مکہ مسجد دھماکہ پر فیصلہ سنانے والے جج کا استعفیٰ نامنظور

حیدرآباد: حیدرآباد کی مکہ مسجد بم دھماکہ معاملے کا فیصلہ سنانے کے چند گھنٹوں بعد ہی استعفیٰ دینے والےخصوصی این آئی اے عدالت کے جج رویندر ریڈی کے استعفیٰ کے معاملہ میں اہم موڑ سامنے آیا ہے کیونکہ ان کا استعفیٰ حیدرآباد ہائی کورٹ کے چیف جسٹس نے مسترد کردیا ہےاور ان کی15 دن کی عرضی بھی مسترد کرتے ہوئے ان کو فوری ڈیوٹی سے رجوع ہونے کی ہدایت دی ہے ۔جس کے بعد جج رویندر ریڈی نے ڈیوٹی جوئن کر لی ہے۔

رویندر ریڈی نے استعفیٰ کی وجوہات ذاتی قرار دی تھیں۔ وکلا کے ایک گوشے کاماننا ہے کہ اس کیس سے متعلق ان پر دباوؤ تھا۔ تلنگانہ جج ایسو سی ایشن کے صدر رہ چکے رویندر ریڈی کو 2016 میں اس وقت حیدرآباد ہائی کورٹ نے معطل کر دیا تھا جب اے پی اور تلنگانہ کے درمیان جوڈیشل افسروں کے الاٹمنٹ کے خلاف انہوں نے دیگر ان کے ساتھ احتجاج کیا تھا۔ مکہ مسجد معاملہ میں فیصلہ سنانے کے چند گھنٹوں بعد ہی ان کے استعفیٰ نے لوگوں کو حیرت زدہ کردیا تھا۔

یہ بھی پڑھیں:

مکہ مسجد دھماکہ فیصلہ: ملزمین کی آزادی پر جاوید اختر کا طنز

مکہ مسجد دھماکہ کیس کا فیصلہ، این آئی اے کی نااہلی یا منصوبہ بند سازش!

مکہ مسجد دھماکہ میں پانچوں اہم ملزمین کو بری کرنے والے جج کا استعفیٰ

مکہ مسجد میں کوئی دھماکہ ہوا ہی نہیں؟ سب ملزمین بری

واضح رہے کہ 18 مئی 2008 کو نماز جمعہ کے دوران تاریخی مکہ مسجد میں دھماکہ ہوا تھا جس کے نتیجہ میں 9 افراد کی موت ہو گئی تھی جبکہ 58 افراد زخمی ہوگئے تھے۔ اس معاملہ میں 10 افراد کو ملزمان بنایا گیا تھا جن میں سے ایک کی موت ہو چکی ہے۔ این آئی اے نے اس کیس کی جانچ اپنے ہاتھ میں لےلی تھی۔ این آئی اے نے عدالت کے سامنے مضبوط ثبوت پیش نہیں کئے جس کی وجہ سے تمام ملزمان کو رہا کر دیا گیا۔