’ہمسایہ ممالک کے ساتھ صحت تعاون مضبوط‘، افغان اور نیپال کے وزراء سے نڈا کی ملاقات میں اہم بات چیت

 مرکزی وزیر صحت جے پی نڈا نے ہمسایہ ممالک کے ساتھ شعبۂ صحت میں تعاون کو نئی رفتار دی ہے۔ نڈا نے افغانستان کے وزیر صحت مولوی نور جلال جلالی اور نیپال کی وزیر صحت اور آبادی ڈاکٹر سدھا شرما گوتم کے ساتھ الگ الگ اہم ملاقاتیں کیں۔ وزارت صحت کے سرکاری ’ایکس‘ ہینڈل سے جاری کردہ ایک مراسلے کے مطابق ان ملاقاتوں میں ہندوستان کی ’پڑوسی پہلے‘ پالیسی کے تحت انسانی امداد اور صحت کی شراکت داری پر زور دیا گیا۔

افغانستان کے وزیر کے ساتھ ملاقات میں ہندوستان نے صحت کی دیکھ بھال میں تعاون اورانسانی امداد کے لیے اپنے عزائم کا اعادہ کیا۔ ادویات کی طویل مدتی فراہمی پر خاص طور پر تبادلہ خیال کیا گیا۔ افغان عوام کی طبی ضروریات کو پورا کرنے کے لیے کینسر کی ادویات اور ویکسین کی علامتی منتقلی کی گئی۔ اس کے علاوہ ادویات، ویکسین اور 128 سلائس سی ٹی اسکینر کی بڑی کھیپ افغانستان بھیجی جا رہی ہے۔ یہ امداد افغانستان میں صحت کے بنیادی ڈھانچے کو مضبوط بنانے میں اہم کردار ادا کرے گی۔

نیپال کی وزیر صحت ڈاکٹر سدھا شرما گوتم سے ملاقات بھی اہم رہی۔ اس دوران ہندوستان- نیپال کے درمیان گہری صحت شراکت داری کی توثیق ہوئی۔ یہ بات چیت عوامی صحت، بنیادی ڈھانچے، صلاحیت سازی، ضروری ادویات اور ویکسین کی فراہمی، بیماریوں کی نگرانی، ڈیجیٹل صحت کے اقدامات اور ریگولیٹری تعاون پر مرکوز رہی۔ یہ کوششیں دونوں ممالک میں مضبوط، عوام پر مبنی صحت کے نظام کے لیے مشترکہ عزم کی عکاسی کرتی ہیں۔

بعدازاں جے پی نڈا نے ’ایکس‘ پر لکھا کہ افغانستان کے وزیر صحت مولوی نور جلال جلالی سے ملاقات ہوئی۔ ہندوستان نے افغانستان کے ساتھ انسانی امداد اور صحت کی دیکھ بھال میں تعاون جاری رکھنے کے اپنے عزائم کا اعادہ کیا اور دوائیوں کی طویل مدتی فراہمی پر خصوصی توجہ مرکوز کرتے ہوئے اس تعاون کو مزید مضبوط کرنے کے طریقوں پر تبادلہ خیال کیا۔ انہوں نے کہا کہ کینسر کی ادویات اور ویکسین علامتی طورسے پیش کی گئیں جو افغانستان کے شہریوں کی طبی ضرورتوں کو پورا کرنے کے لیے ہندوستان کے عزم کااظہار ہے۔ لوگوں کو ادویات، ویکسین اور 128 سلائس سی ٹی اسکینر کی ایک بڑی کھیپ بھی افغانستان بھیجی جا رہی ہے۔

ایک اور پوسٹ میں جے پی نڈا نے کہا کہ میں نے آج نئی دہلی میں روایتی ادویات سے متعلق دوسری عالمی سربراہی کانفرنس کے موقع پر نیپال کی صحت اور آبادی وزیر ڈاکٹر سدھا شرما کے ساتھ گرمجوشی سے اور نتیجہ خیز بات چیت کی۔ ہماری بات چیت نے ہندوستان اور نیپال کے تعلقات کی گہرائی کو ظاہر کیا اور صحت کے شعبے میں تعاون کو آگے بڑھانے پر توجہ مرکوز کی۔ ہم نے صحت طبی تعاون کو مضبوط کرنے اور آنے والے برسوں میں اپنے لوگوں کو ٹھوس فوائد کی فراہمی کے لیے مشترکہ طور پر کام کرنے کے اپنے عزام کا اعادہ کیا۔