الیکسی نوولنی معاملہ پر یورپی یونین کی جانب سے روس پر پابندی عائد کرنے کا امکان

ایتھنز:یوروپی یونین نے کہا ہے کہ وہ روس میں حزب اختلاف کے رہنما الیکسی نوولنی کی گرفتاری کے بعد پیدا ہونے والی صورتحال کی نگرانی کر رہا ہے، جس کے لئے فروری میں روس پر پابندی عائد ہوسکتی ہے۔ یہ بات یونان کے وزیر خارجہ نکوس ڈینڈیس نے بدھ کے روز ایک انٹرویو میں کہی۔

نکوس ڈنڈیاس نے یوروو نیوز کو دیئے گئے ایک انٹرویو میں کہا کہ یوروپی یونین کے متعدد ممبر ممالک نے نوولنی کے حوالہ سے روس پر پابندی عائد کرنے کا مطالبہ کیا تھا، لیکن اس کے باوجود یوروپی یونین اب تک روسی حکام پر پابندی عائد کرنے سے گریز کرتا رہا ہے۔ یونانی وزیر خارجہ نے کہا ’’یوروپی یونین کے خارجہ پالیسی محکمہ کے سربراہ جوزیف بوریل سمیت متعدد ممبر ممالک نے روس کو اس معاملے میں ایک اور موقع دینے کا خیال ظاہرکیا ہے۔ ہم اگلے 30 دنوں میں اس مسئلے پر غور کریں گے۔‘‘

قابل ذکر بات یہ ہے کہ نوولنی کے حامیوں نے گزشتہ ہفتے روس کے حزب اختلاف کے رہنما کی گرفتاری کے خلاف ملک کے متعدد حصوں میں احتجاج کیا تھا۔ اس حوالہ سے حکومت نے متنبہ کیا ہے کہ ان مظاہروں میں حصہ لینے والوں کے خلاف سخت کارروائی کی جائے گی۔