مہاراشٹر کارپوریشن الیکشن میں عمران پرتاپ گڑھی جہاں بھی پہنچے، وہاں کانگریس کو ملی کامیابی

نئی دہلی: ممبئی میونسپل کارپوریشن کے انتخابات کے نتائج نے واضح کر دیا کہ شہر کے لوگوں پر کانگریس پارٹی کے فعال نوجوان رکن پارلیمنٹ عمران پرتاپ گڑھی کا جادو سر چڑھ کر بولا۔ کانگریس کے اقلیتی شعبہ کے چیئرمین اور راجیہ سبھا کے رکن عمران پرتاپ گڑھی کے ذریعہ دن رات کی گئی محنت نے واضح کر دیا کہ ملک کی عوام، بالخصوص نوجوان نسل عمران پرتاپ گڑھی پر بھروسہ کرتی ہیں اور انہیں پسند کرتی ہیں۔

انتخابی نتائج کے بعد اعداد و شمار نے واضح کر دیا کہ کانگریس کارپوریٹرس نے ممبا دیوی میں تمام 4 سیٹوں پر کامیابی حاصل کی، جہاں عمران پرتاپ گڑھی نے مہم چلائی تھی۔ ملاڈ میں چاروں کارپوریٹرس جیت گئے۔ واضح رہے کہ عمران پرتاپ گڑھی کانگریس پارٹی کی جانب سے مہاراشٹر سے راجیہ سبھا کے رکن ہیں۔ جب عمران اکولہ گئے تو اویسی اور بی جے پی نے کانگریس کو ہرانے کے لیے انتھک محنت کی، لیکن اس کے بعد بھی کانگریس کے کارپوریٹرس کی تعداد 12 سے بڑھ کر 21 ہو گئی۔

ناندیڑ میں، وہ سیٹ جہاں مہاراشٹر کے سابق وزیر اعلیٰ اشوک چوان اور اسد الدین اویسی نے عبدالغفار کو شکست دینے کے لیے پوری طاقت جھونک دی تھی، عمران پرتاپ گڑھی نے ایک بڑی ریلی نکالی اور اویسی کو چیلنج دے کر کہا کہ غفار تو جیتے گا، اور جب نتیجہ سامنے آیا تو وہ مزید 3 میونسپل کونسلرز کو الیکشن جتا لے گئے۔ کانگریس نے ناگپور کی چاروں سیٹوں پر بھی کامیابی حاصل کی جس کے لیے عمران پرتاپ گڑھی نے اپیل کی تھی۔ کانگریس نے احمد نگر کی سیٹ بھی جیت لی جہاں انہوں نے انتخابی مہم چلائی۔ اس کے بعد کانگریس نے امراوتی کی سیٹ جیتی جہاں عمران پرتاپ گڑھی نے انتخابی مہم چلائی اور اس کے قریب چاروں سیٹوں پر بھاری فرق سے کامیابی حاصل کی۔

دلچسپ بات یہ ہے کہ ناندیڑ ہو یا اکولہ، اویسی 2 بار ہیلی کاپٹر سے ان تمام جگہوں پر گئے اور میٹنگیں کیں، لیکن عمران پرتاپ گڑھی کی صرف ایک ریلی نے ایسا ماحول بنا دیا کہ پوری طاقت لگانے کے بعد بھی اسد الدین اویسی غفار اور ساجد پٹھان کو شکست نہیں دے سکے۔ اے آئی ایم آئی ایم کے چیف اسدالدین اویسی جس طرح سے سیکولر پارٹی کے مسلم لیڈروں کو نشانہ بناتے ہیں اور انہیں شکست دینے کے لیے ایڑی چوٹی کا زور لگا دیتے ہیں، ایسے حالات میں عمران پرتاپ گڑھی نے جس ایمانداری سے فرقہ پرست طاقتوں کا مقابلہ کیا ہے، وہ قابل تعریف ہے۔ اس انتخابی نتائج کے بعد یقیناً مہاراشٹر کی سیاست میں عمران پرتاپ گڑھی کا قد کافی بڑا ہو گیا ہے۔