الیکشن کمیشن کا ریموٹ ووٹنگ سسٹم تیار، اپوزیشن جماعتوں کا احتجاج

الیکشن کمیشن نے آٹھ تسلیم شدہ قومی جماعتوں اور 57 تسلیم شدہ ریاستی جماعتوں کو مدعو کیا ہے۔ اس دوران الیکشن کمیشن کی ٹیکنیکل ایکسپرٹ کمیٹی کے ارکان بھی موجود ہوں گے۔

الیکشن کمیشن، تصویر یو این آئی
الیکشن کمیشن، تصویر یو این آئی
user

قومی آوازبیورو

الیکشن کمیشن تارکین وطن ووٹروں کو ریموٹ ووٹنگ کی سہولت فراہم کرنے کے لیے کام کر رہا ہے۔ الیکشن کمیشن نے آج سیاسی جماعتوں کو ریموٹ ای وی ایم سے جڑے پروٹوٹائپس کے مظاہرہ کے لیے مدعو کیا ہے۔ کمیشن نے آٹھ تسلیم شدہ قومی جماعتوں اور 57 تسلیم شدہ ریاستی جماعتوں کو مدعو کیا ہے۔ اس دوران الیکشن کمیشن کی ٹیکنیکل ایکسپرٹ کمیٹی کے ارکان بھی موجود ہوں گے۔

کانگریس پارٹی نے اتوار کو اس معاملے پر بات چیت کے لیے میٹنگ بلائی تھی۔ جس میں 16 اپوزیشن جماعتوں نے حصہ لیا۔ کانسٹی ٹیوشن کلب میں اپوزیشن کی میٹنگ کے موقع پر کانگریس کے سینئر لیڈر دگ وجئے سنگھ نے کہا تھا، "شرکت کرنے والی اپوزیشن جماعتوں نے آر ای وی ایم ایس سے متعلق الیکشن کمیشن کے سامنے رکھے جانے والے سوالات پر غور کیا گیا اور یہ فیصلہ کیا گیا کہ پیر کو سیاسی جماعتوں کی طرف سے اٹھائے گئے سوالات پر الیکشن کمیشن کے جواب پر اجتماعی طور پر بعد میں اجلاس میں تبادلہ خیال کیا جائے گا اور اپوزیشن جماعتیں اس معاملے پر مشترکہ موقف اختیار کریں گی۔


انہوں نے یہ بھی کہا کہ سماج وادی پارٹی اور نیشنلسٹ کانگریس پارٹی کسی وجہ سے میٹنگ میں شرکت نہیں کرسکے، لیکن انہوں نے اپنی یکجہتی کا اظہار کیا۔ واضح کر دیں کہ مہاجر ووٹروں کے لیے تکنیکی حل تلاش کرنے کے مقصد سے کمیشن نے ای وی ایم کے تبدیل شدہ ورژن کے استعمال کے آپشن کو تلاش کیا ہے۔ اس طرح دیگر ریاستوں میں مقیم ووٹرز کو ووٹ کا حق استعمال کرنے کے لیے اپنے آبائی ضلع میں واپس جانے کی ضرورت نہیں پڑے گی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔