آج کانگریس کرے گی راج بھونوں کا گھیراؤ

نئی دہلی: کانگریس پارٹی نے بھارتیہ جنتا پارٹی (بی جے پی) کی پالیسیوں کو جمہوریت مخالف قرار دیتے ہوئے کہا ہے کہ پارٹی آج منتخب حکومتوں کو گرانے کی سازش کے خلاف ملک بھر کے راج بھونوں کا گھیراؤ کرے گی۔ کانگریس نے کل سوشل میڈیا کے ذریعہ’’جمہوریت بچاؤ آئین بچاؤ‘‘پروگرام کا انعقاد کیا اور کہا تھا کہ اس سے بی جے پی کی سازش کو بے نقاب کردیا ہے۔

اس پروگرام میں ورکنگ کمیٹی کے ممبران، مختلف ریاستوں کے وزرائے اعلیٰ، سینئر قائدین، ​​ممبران پارلیمنٹ اور ممبران اسمبلی نے حصہ لیا اور راجستھان کے گورنر سے قانون ساز اسمبلی کا اجلاس طلب کرنے کا مطالبہ کرتے ہوئے ویڈیو اور پیغامات جاری کیے۔

کانگریس پارٹی کا صبح 11 بجے سے بی جے پی کی مختلف عمارتوں کے سامنے بی جے پی کی پالیسیوں کے خلاف احتجاج کرنے کا پروگرام ہے جس میں اس کی ریاستی اکائیوں کے سینئر رہنما اور کارکن شرکت کریں گے۔ کانگریس پارٹی کا الزام ہے کہ گورنر بی جے پی کی حکومت بنانے اور کانگریس کی منتخب حکومتوں کو گرانے کی سازش کر رہے ہیں۔

واضح رہے گزشتہ روز سابق مرکزی وزیر اجے ماکن نے کہا تھا کہ راجستھان قانون ساز اسمبلی کے اسپیکر کی جانب سے دیئے گئے نوٹس پر عدالت کو چیلنج کرنے والا معاملہ بھی ملک میں پہلی بار ہوا ہے۔ انہوں نے کہا کہ اسپیکر کے فیصلے کا جائزہ عدالت کر سکتی ہے لیکن عدالت نوٹس کی کارروائی روک نہیں سکتی ۔