قومی خبریں

ممبئی پولیس کا غیر قانونی طور پر مقیم غیر ملکیوں کے بارے میں معلومات دینے سے انکار

آر ٹی آئی کارکن انیل نے ممبئی پولیس سے معلومات طلب کی تھی کہ ممبئی کی حدود میں پچھلے 5 سال میں ایسے افراد کی تعداد بتائی جائے جو ہندوستانی نہیں ہیں اور انہیں گرفتار کر کے بیرون ممالک بھیج دیا گیا ہے۔

تصویر سوشل میڈیا
تصویر سوشل میڈیا 

ممبئی: ممبئی پولیس نے غیر ملکی شہریوں کے غیر قانونی رہائش پذیر ہونے کے بارے میں معلومات دینے سے انکار کر دیا ہے۔ آر ٹی آئی کارکن انیل گلگالی نے ممبئی پولیس کی حدود میں غیر قانونی طور پر رہائش پذیر غیر ملکی شہریوں کے بارے میں معلومات دینے کی درخواست کی تھی جسے محکمہ پولیس نے مسترد کر دیا۔

Published: undefined

جاری کردہ ایک بیان میں کہا گیا کہ ممبئی پولیس نے دعویٰ کیا ہے کہ انہیں اس قسم کی معلومات دینے سے مستثنیٰ رکھا گیا ہے۔ آر ٹی آئی کارکن انیل گلگالی نے ممبئی پولیس سے معلومات طلب کی تھی کہ ممبئی کی حدود میں پچھلے 5 سال میں ایسے افراد کی تعداد بتائی جائے جو ہندوستانی نہیں ہیں اور انہیں گرفتار کرکے بیرون ممالک بھیج دیا گیا ہے۔

Published: undefined

نیز غیر ملکی شہریوں کو جس دفعہ کے تحت گرفتار کیا جاتا ہے اس کے بارے میں معلومات دیتے ہوئے کم سے کم اور زیادہ سے زیادہ سزا اور جرمانہ کے بارے میں بتایا جائے۔ سزا دیئے گئے غیر ملکی شہریوں کے بارے میں معلومات دیں۔

Published: undefined

بتایا جاتا ہے کہ انفارمیشن رائٹ ایکٹ 2005 کے حصہ 6 کے سیکشن 24 (1) کے مطابق ممبئی پولیس نے انیل گلگالی کو مطلع کرنے سے انکار کر دیا۔ ممبئی پولیس کرائم برانچ کے پولیس انسپکٹر رویندر کتکر نے سینئر برانچ انسپکٹر رویندرا دلوی سے موصولہ تفصیل انیل گلگالی کو بھیج دی۔ اسی سلسہ میں بتایا گیا کہ اس طرح کا حکم جاری کیا گیا ہے کہ رجسٹریشن، ویزا اور ہندوستان میں مقیم دیگر افراد کی معلومات کو حق اطلاعات کے قانون کے دائرے سے ہٹا دیا گیا ہے۔

Published: undefined

انیل گلگالی نے ان دعوؤں کی وضاحت کی ہے کہ ممبئی پولیس نے غیر ملکیوں کو جو پکڑے گئے ہیں ان کی معلومات کے بارے میں جواز پیش کر دیا ہے، جبکہ صحیح معنوں میں اس معلومات کا انکشاف ممبئی پولیس نے انفارمیشن رائٹ ٹو انفارمیشن ایکٹ 2005 کے سیکشن 4 کے تحت کیا تھا۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined