ٹرمپ کے ٹیرف سے ہندوستانی بازار پر کتنا پڑے گا اثر، کیا ٹیکسٹائل، جوئیلری، الیکٹرانک سیکٹرس کو ہوگا نقصان؟

امریکی صدر ڈونالڈ ٹرمپ نے ہندوستانی برآمدات پر 26 فیصد ٹیرف کا اعلان کر دیا ہے۔ ہندوستان سمیت دنیا کے کئی بڑے ملکوں پر بھی امریکہ نئے ٹیرف لگانے جا رہا ہے جس سے پوری دنیا میں ہلچل پیدا ہو گئی ہے۔

ہندوستان پر امریکہ کے ذریعہ 26 فیصد ٹیرف لگائے جانے کے بعد یہ بحث تیز ہو گئی ہے کہ اس کا ہندوستان پر کیسا اثر پڑے گا۔ اے این آئی کے مطابق اس سے بھارت کے کئی سیکٹر میں نقصان ہو سکتا ہے۔ ان میں ٹیکسٹائل، زیورات، الیکٹرانک وغیرہ سیکٹر کو شامل کیا گیا ہے۔ ٹرمپ نے یہ ریسی پروکل ٹیرف ان ممالک پر لگایا ہے جو امریکہ کے مطابق ان سے اچھا خاصا ٹیرف وصول رہے تھے۔ جو بھی ملک امریکہ سے آئی اشیاء پر ٹیرف وصول رہا تھا اب امریکہ بھی ان ملکوں سے اتنا ہی ٹیرف وصول کرے گا۔

اے این آئی سے بات چیت کے دوران بینکنگ اور انٹرنیشنل اسٹاک کے ماہر اجئے بگّا نے ٹیرف معاملے پر کئی اہم باتیں بتائیں۔ انہوں نے کہا کہ یہ امریکی ٹیرف کئی حسابات پر مبنی ہے۔ ان میں کسٹم ڈیوٹی، کرنسی میں بدلاؤ اور جی ایس ٹی کو بھی شامل کیا جائے گا۔ اس کے ساتھ ہی انہوں نے کہا کہ امریکہ یہ ٹیرف نافذ کرکے ’امریکہ فرسٹ‘ اور اکیلے ہونے والی ذہنیت کی طرف بڑھ رہا ہے۔

اجئے بگّا نے یہ بھی بتایا کہ ٹرمپ کے ٹیرف سے کن سیکٹر پر اثر پڑ سکتا ہے۔ ان کے مطابق ہندوستان کے گھریلو بازار پر اس کا اثر دیکھنے کو نہیں ملے گا۔ حالانکہ ہندوستان کے کئی بڑے سیکٹر جیسے ٹیکسٹائل، جوئیلری، الیکٹرانک وغیرہ پر اس ٹیرف کا اثر دیکھنے کو مل سکتا ہے۔

انہوں نے کہا کہ میٹل اور تیل کی بکوالی آج صبح سے ہی ڈاؤن دکھائی دے رہی ہے۔ وہیں فارما ابھی باقی  سبھی پر توجہ دیتے ہوئے انتظار کے موڈ میں ہے۔ اس کے ساتھ ہی ٹیرف سے ہندوستانی برآمدات میں کمزوری دیکھنے کو مل سکتی ہے۔

اجئے بگّا نے بتایا کہ ایسے حالات میں زیادہ تر سرمایہ کار محفوظ پلیٹ فارم کو بڑھاوا دیں گے۔ ان کے مطابق سرمایہ کار بڑھ چڑھ کر گولڈ، جاپان ین، جاپانی سرکار بونڈ کی طرف رجحان کریں گے۔ انہوں نے کہا کہ ہندوستانی شیئر بازار کی شروعات میں اس خبر سے اثر پڑ سکتا ہے۔ وہیں ہندوستانی کاروباریوں کو اپنی برآمدات پر توجہ دینی ہوگی۔ جیسے ایکسپورٹ ڈیوٹی بڑھانا اور امریکہ پر انحصار جیسے اقدامات کرنے ہوں گے۔