متھرا: اترپردیش کانگریس نے کہا ہے کہ محکمہ بجلی کو پرائیویٹ کمپنیوں کو دینے سے پہلے آگرہ میں بجلی شعبہ میں کام کر رہے ٹورنٹ کمپنی کے اب تک کے کام کی جانچ ہائی کورٹ جج سے کرانی چاہئے۔ پارٹی کے ریاستی ترجمان اشوک سنگھ نے پیر کو میڈیا نمائندوں سے بات چیت میں کہا کہ آگرہ کے لوگ ٹورنٹ کمپنی کے طرز امور اور من مانی سے کافی پریشان ہیں اس لئے ریاست اور پورے ملک کی بجلی نظام کو منیٹائزیشن کے نام پر نجی کمپنیوں کو سونپنے سے پہلے کم سے کم ایک پرائیویٹ کمپنی کے 'پرفارمنس' کی جانچ کرانا ضروری ہے۔
Published: undefined
انہوں نے کہا کہ متھرا اور آس پاس کے اضلاع میں آلو بہت زیادہ ہوتا ہے لیکن اس کے لئے حکومت کے ذریعہ جاری کی گئی ایم ایس پی بہت کم ہے اسے بڑھا کر کم سے کم ڈیڑھ گنا کیا جانا چاہئے۔ کانگریس ترجمان نے کہا کہ دل بدل قانون بنانے کے باجود کچھ سیاسی پارٹیوں کے ذریعہ اس کا غلط استعمال کیا جا رہا ہے۔ اسے روکنے کے لئے اس قانون میں ترمیم کی ضرورت ہے اور پارٹی بدلنے والے ممبر پر کم سے کم ایک سال کے لئے انتخاب لڑنے پر پابندی ہونی چاہئے۔
Published: undefined
انہوں نے دعوی کیا کہ پارٹی کے اندر کوئی گروپ بندی نہیں ہے۔ چھوٹے چھوٹے نظریات تفاوت کو گروپ بندی نہیں کہنا چاہئے۔ پرینکا گاندھی کی قیادت میں ترنگے پرچم کے نیچے پارٹی اپنی نظریات کو لے کر آگے بڑھ رہی ہے اور آنے والے اسمبلی انتخاب میں کانگریس پارٹی بی جے پی حکومت کو اکھاڑ پھینکے گی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined