پاکستان کے خیبر پختونخوا میں پولیس گاڑی پر خودکش حملہ، 2 پولیس اہلکاروں کی موت، 3 زخمی

پاکستان کے خیبر پختونخوا میں خودکش دھماکے کی خبر سامنے آئی ہے۔ اس دھماکے میں 2 پولیس اہلکاروں کی موت ہو گئی ہے جبکہ 3 دیگر افراد زخمی ہوئے ہیں۔ ایک افسر نے اس واقعہ کی اطلاع دی ہے۔ ایس ایس پی مسعود بنگش نے بتایا کہ خودکش حملہ آور نے پشاور کے چمکنی پولیس تھانہ کے دائرہ اختیار میں رِنگ روڈ پر مویشی بازار کے قریب پولیس کی موبائل گاڑی پر حملہ کیا۔

خیبر پختونخوا کے وزیر اعلیٰ علی گندا پور نے حملے کی شدید مذمت کرتے ہوئے واقعہ پر تفصیلی رپورٹ طلب کی ہے۔ اس سے پہلے دن میں گوادر میں ایک مسجد کے پاس حملہ آوروں کے ذریعہ ہتھ گولہ پھینکنے کے بعد ہوئی گولی باری میں ایک پولیس اہلکار شہید ہو گیا تھا۔

قابل ذکر ہے کہ گزشتہ کچھ دنوں سے  ہندوستان اور پاکستان کے درمیان زبردست کشیدگی ہے۔ سب سے پہلے 22 اپریل کو پہلگام میں دہشت گردانہ حملہ ہوا تھا جس میں 26 بے قصور لوگوں کی جان چلی گئی تھی۔ اس کے جواب میں ہندوستان نے 7 اپریل کو پاکستان میں ’آپریشن سندور‘ چلا کر وہاں موجود دہشت گردوں کے کئی ٹھکانوں کو تباہ کر دیا تھا۔

خاص طور سے پہلگام دہشت گرانہ حملے کے بعد ہندوستانی فوج نے جس طرح آپریشن سندور شروع کیا اور فضائی حملہ کیا، اس سے پڑوسی ملک کو بہت نقصان پہنچا۔ ہندوستانی مسلح افواج نے پاکستان کے کئی دہشت گردی کے اڈوں پر حملہ کیا۔ ہندوستان نے پاکستان کے تقریباً 11 ایئر بیس کو کامیابی کے ساتھ نشانہ بنایا۔ حالانکہ اس کے بعد دونوں ملکوں کے درمیان جنگ بندی پر رضا مندی ہو گئی۔ جس کے بعد رفتہ رفتہ حالات معمول پر آ رہے ہیں۔