ویڈیو: راجیو بجاج نے راہل گاندھی سے کہا ’ہندوستان جیسا سخت لاک ڈاؤن کسی ملک میں نہیں لگا‘

کانگریس لیڈر راہل گاندھی نے جمعرات کو معروف صنعت کار راجیو بجاج کے ساتھ لاک ڈاؤن اور کورونا کے ایشو پر بات چیت کی۔ اس دوران راہل گاندھی نے پوچھا کہ کسی نے سوچا نہیں ہوگا کہ دنیا اس طرح 'لاک' ہو جائے گی، عالمی جنگ میں بھی ایسا نہیں ہوا تھا۔ اس کے جواب میں راجیو بجاج نے کہا کہ "جاپان اور سنگاپور میں ہمارے دوست ہیں۔ اس کے علاوہ دنیا کے کئی ممالک میں لوگوں سے بات ہوتی ہے۔ ہندوستان میں ایک طرح کا سخت لاک ڈاؤن ہے، ایسا لاک ڈاؤن کہیں پر بھی نہیں ہوا ہے۔ دنیا کے کئی ممالک میں باہر نکلنے کی اجازت تھی، لیکن ہمارے یہاں حالات مختلف رہے۔"