احمدآباد سے چلنے والی کچھ اسپیشل ٹرینیں منسوخ رہیں گی

احمد آباد: مغربی ریلوے کے گجرات میں احمد آباد سے گزرنے والی کچھ اسپیشل ٹرینیں منسوخ کردی گئیں ہیں اور دیگر کے راستے بدل دیئے گئے ہیں۔ رابطہ عامہ کے افسر پردیپ شرما نے بتایا کہ جنوبی مغربی ریلوے کے ہبلی سیکشن پر یارڈ کے دوبارہ تعمیراتی کام کی وجہ سے ایس آر بنگلورو - جودھپور اسپیشل، گاندھی دھام - کے ایس آر بنگلور اسپیشل اور اجمیر - میسور اسپیشل ٹرینیں منسوخ رہیں گی اور کچھ کے راستے تبدیلی کیے گئے ہیں۔ ان کی تفصیلات درج ذیل ہیں۔

منسوخ ٹرینیں: کے ایس آر بنگلور سے 15 اور 17 فروری کو چلنے والی ٹرین نمبر 06508 ، کے ایس آر بنگلور۔ جودھ پور ایکسپریس اسپیشل اور 18 اور 20 فروری کو جودھپور سے چلنے والی ٹرین نمبر 06507 جودھپور - کے ایس آر بنگلور اسپیشل منسوخ رہیں گی۔

بنگلورو سے بیس فروری کو چلنے والی ٹرین نمبر 06506 کے ایس آر بنگلور۔ گاندھی دھام اسپیشل اور 23 فروری کو گاندھی دھام سے چلنے والی ٹرین نمبر 06505 گاندھی دھام۔ کے ایس آر بنگلورو اسپیشل منسوخ رہے گی۔ 16 اور 18 فروری کو میسور سے چلنے والی ٹرین نمبر 06210 میسور۔ اجمیر ایکسپریس اسپیشل اور انیس اور اکیس فروری کو اجمیر سے چلنے والی ٹرین نمبر 06505 اجمیر۔میسوراسپیشل منسوخ رہیں گی۔