آج پرینکا گاندھی بجنور کی کسان پنچایت میں حصہ لیں گی

کانگریس کو اتر پردیش میں کھڑا کرنے کے لئے پرینکا گاندھی جی جان سے لگی ہوئی ہیں اور ریاست میں ان کی مقبولیت میں روز اضافہ ہو رہا ہے۔

تصویر ٹویٹر آئی این سی اتر پردیش
تصویر ٹویٹر آئی این سی اتر پردیش
user

قومی آوازبیورو

کسان تحریک کی کھل کرحمایت کرنے والی کانگریس کی جنرل سکریٹری پرینکا گاندھی آج مغربی اترپردیش کے بجنور میں کسان پنچایت سے خطاب کریں گی۔پروگرام کے مطابق پرینکا گاندھی پیر کی دوپہر 12 بجے بجنور پہنچیں گی جہاں وہ چاند پور میں ہونے والی کسان پنچایت میں حصہ لیں گی۔

پرینکا گاندھی کافی متحرک ہیں اور حال ہی میں انہوں نے سہارنپور کی پنچایت سے خطاب کیا تھا اور اس کے اگلے ہی دن وہ الہ آباد گئیں تھی جہاں انہوں نے سنگم میں ڈبکی بھی لی تھی۔ وہ کانگریس کو اتر پردیش میں کھڑا کرنے کے لئے جی جان سے لگی ہوئی ہیں ۔


کانگریس پارٹی کو بوتھ لیول پر کھڑا کرنے کی قواعد کے تحت کانگریس کی تنظیم سازی مہم کے تحت پرینکا گاندھی کسان پنچایت کے ذریعہ دیہی آبادی سے وابستگی کا اظہارکریں گی۔ اترپردیش میں کانگریس کا چہرہ بن چکیں پرینکا کے تعلق سے کانگریسیوں میں زبردست جوش خروش دیکھاجارہا ہے۔اس سے قبل پرینکا کے بجنور کے ساتھ میرٹھ کے سردھنا میں بھی کسان پنچایت کو خطاب کرنے کا پروگرام تھا حالانکہ وقت کا حوالہ دے کر میرٹھ کی پنچایت کو فی الحال ملتوی کردیا گیا ہے۔

چاندپور کی پنچایت کو لے کر وہاں کےکانگیریسی کارکنان میں زبردست جوش نظر آ رہا ہے۔ کسان اور بجنور کی آبادی میں کانگریس کی مقبولیت میں اضافہ ہو رہا ہے ۔اس علاقہ میں اقلیتوں کی آبادی خاصی ہے اس لئے کانگریس کو امید ہے کہ کسانوں کی اس پنچایت میں زبردست بھیڑ آنے والی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔