ہمارا خواب ہے ہر بچے کو معیاری تعلیم کی فراہمی: منیش سسودیا

وویکانند کالج کی 50ویں سالانہ تقریب کے موقع پر نائب وزیر اعلیٰ منیش سسودیا نے کہا کہ "مشرقی دہلی میں 50 سال قبل خواتین کا کالج شروع کرنا قابل قدر قدم تھا جو آج بھی کامیابی کے ساتھ آگے بڑھ رہا ہے۔"

تصویر سوشل میڈیا
تصویر سوشل میڈیا
user

پریس ریلیز

نئی دہلی: نائب وزیر اعلی منیش سسودیا نے آج ویڈیو کانفرنسنگ کے ذریعہ وویکانند کالج کے 50 ویں سالانہ تقریب سے خطاب کیا۔ منیش سسودیا نے مشرقی دہلی کے کالج کو 50 سال مکمل کرنے پر مبارکباد پیش کی۔ اس موقع پر انھوں نے کہا کہ مشرقی دہلی کے اس خطہ میں 50 سال پہلے خواتین کا کالج شروع کرنا اور اتنے لمبے عرصے تک کامیابی سے چلنا ایک بہت ہی جرات مندانہ تجربہ ہے۔

تقریب سے خطاب کرتے ہوئے نائب وزیر اعلی منیش سسودیا نے کہا کہ ہماری عام آدمی پارٹی کی حکومت کا خواب ہے کہ وہ سب کو معیاری تعلیم فراہم کرے۔ یہ صرف ہماری نسل تک ہی محدود نہیں ہے بلکہ آنے والی نسلوں کے لئے بھی ضروری ہے۔ سسودیا نے مزید کہا کہ بطور وزیر تعلیم دوسری مدت میں، میرا بنیادی ایجنڈا اعلی تعلیم ، فنی اور مہارت کی تعلیم کو فروغ دینا ہے۔

نائب وزیر اعلیٰ نے پچاس سال کے یادگار سفر پر وویکانند کالج کے تمام فیکلٹی ممبران، عملہ،طلباء اور والدین کو مبارکباد پیش کی۔ منیش سسودیا نے کہا کہ اس انسٹیٹیوٹ کی بنیاد پرنسپل ڈاکٹر حنا نندراجوگ کی قابل قیادت میں عالمی سطح کے ادارے کی حیثیت سے رکھی گئی ہے۔ جب مستقبل میں اس کالج کی 100ویں سالگرہ منائی جائے گی تو، اس کے بعد کے 50 سالوں کو موجودہ ٹیم کے وژن کو عملی جامہ پہنانے میں اتنے ہی اہم سالوں کی طرح یاد کیا جائے گا۔ تقریب کے دوران پرنسپل ڈاکٹر حنا نندراجوگ نے کالج کی کامیابیوں سے آگاہ کیا۔ انہوں نے ضرورت مند طالبات اور کھیلوں کے کھلاڑیوں کے لئے فیس میں چھوٹ، اسکالرشپ وغیرہ کے بارے میں بھی آگاہ کیا۔ اس دوران طلباء اور اساتذہ نے ثقافتی پروگرام بھی پیش کیے۔ قابل ذکر ہے کہ یہ کالج 1970 میں قائم کیا گیا تھا۔ یہ یمنا پار ایریا میں خواتین کی تعلیم کے لئے ایک سر فہرست کالج ہے۔ اس وقت، بی اے (آنرز) اور بی ایس سی (آنرز) سمیت مختلف کورسز میں 2265 طلبہ زیر تعلیم ہیں۔

next