انتخابی اصلاحات بل بھی سیاہ قانون ثابت ہوگا: کانگریس

کانگریس لیڈر جے رام رمیش نے کہا کہ انتخابی اصلاحات قانون کے تحت ووٹر کارڈ کو آدھار سے جوڑا جانا ہے اور اس سے قبائلیوں، دلتوں، پسماندہ اور خواتین کے ووٹ ڈالنے کے حق پر چوٹ لگے گی۔

تصویر یو این آئی
تصویر یو این آئی
user

یو این آئی

نئی دہلی: کانگریس نے کہا ہے کہ حکومت انتخابی اصلاحات سے متعلق بل بغیر بحث کے منظور کروا کر زراعت کے قوانین جیسا ایک اور کالا قانون لائی ہے، جس سے ملک کے لاکھوں رائے دہندگان ووٹ ڈالنے کے حق سے محروم ہوجائیں گے۔ کانگریس لیڈر جے رام رمیش نے بدھ کو یہاں پارٹی ہیڈکوارٹر میں ایک خصوصی پریس کانفرنس میں کہا کہ اس قانون کے تحت ووٹر کارڈ کو آدھار سے جوڑا جانا ہے اور اس سے قبائلیوں، دلتوں، پسماندہ اور خواتین کے ووٹ ڈالنے کے حق پر چوٹ لگے گی۔

انہوں نے کہا کہ اس حکومت نے سرمائی اجلاس کا آغاز زرعی قوانین کو غیرآئینی طریقے سے پارلیمنٹ میں بغیر بحث کے ختم کروایا اوراجلاس کا اختتام بھی غیر آئینی طریقے سے پارلیمنٹ میں بغیر بحث کے انتخاب سے متعلق قانون پاس کرکے کروایا ہے۔ ان کا کہنا تھا کہ جس طرح زراعت سے متعلق تینوں قانون ملک کے کسانوں کے لیے مہلک تھے، اسی طرح یہ قانون بھی انتخابی اصلاحات کے نام پر ایک خطرناک اقدام ہے۔


جے رام رمیش سے پریس کانفرنس کے بعد جب پوچھا گیا کہ حکومت نے اس قانون میں لازمی طور پر آدھار کو ووٹر کارڈ کے ساتھ نہ جوڑنے کا التزام کیا ہے تو انہوں نے کہا کہ یہ سب زبان کا کھیل ہے اور اس قانون کا اصل مقصد لاکھوں لوگوں کو ووٹ ڈالنے کے حق سے محروم رکھنا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔