ریا چکرورتی کی گرفتاری کے بعد انکیتا لوکھنڈے کا زبردست ٹوئٹ آیا سامنے

این سی بی (انسداد منشیات اسکواڈ) کے ذریعہ ریا چکرورتی کی گرفتاری سے فلم انڈسٹری میں تو ایک ہنگامہ پیدا ہو ہی گیا ہے، سوشانت کے چاہنے والے سوشل میڈیا پر بھی خوب رد عمل ظاہر کر رہے ہیں۔ سوشانت کی سابقہ گرل فرینڈ انکیتا لوکھنڈے نے بھی ایک ٹوئٹ کیا ہے جو ریا چکرورتی کے لیے کسی طمانچہ سے کم معلوم نہیں پڑ رہا ہے۔

انکیتا لوکھنڈے نے اپنے ٹوئٹر ہینڈل سے انگریزی میں ایک جملہ شیئر کیا ہے جس کا ترجمہ کچھ اس طرح ہے "کچھ بھی ایسے ہی نہیں ہو جاتا، یہ سب قسمت ہے۔ اور آپ اپنی قسمت اپنے اعمال سے بناتے ہیں۔" گویا کہ انکیتا لوکھنڈے نے ریا چکرورتی کی گرفتاری کو ان کے اعمال کا نتیجہ قرار دیا ہے۔

قابل ذکر ہے کہ انکیتا لوکھنڈے سے سی بی آئی اور این سی بی لگاتار پوچھ تاچھ کر رہی ہے۔ ممبئی پولس نے بھی ریا چکرورتی سے کئی مراحل میں سوشانت سنگھ کی موت معاملہ میں پوچھ تاچھ کی تھی، لیکن ہر بار انھوں نے خود کو منشیات جیسے معاملوں سے بالکل الگ تھلگ بتایا تھا، لیکن آج ایسی خبریں سامنے آ رہی ہیں کہ پہلی مرتبہ این سی بی کے سامنے انھوں نے منشیات معاملہ پر خود کے جڑے ہونے کا اعتراف کیا ہے۔