آئی پی ایل 2020: محمد سراج کو نئی گیند دینے کا فیصلہ موثر ثابت ہوا... وراٹ

ابوظہبی: کولکتہ نائٹ رائیڈرز کے خلاف شاندار جیت کے ساتھ رائل چیلنجرز بنگلور کے کپتان وراٹ کوہلی نے کہا ہے کہ فاسٹ بولر محمد سراج سے اوپننگ کا فیصلہ موثر ثابت ہوا، وراٹ نے بدھ کے روز آٹھ وکٹوں کی فتح کے بعد کہا کہ اگرچہ لوگوں کو بنگلور ٹیم پر اعتماد نہیں تھا لیکن ان کا اور تمام کھلاڑیوں کو ٹیم پر پورا اعتماد ہے۔

وراٹ کوہلی نے کہا کہ سچ پوچھیں تو ہم نے بولنگ سے پہلے ہی سراج کو نئی گیند دینے کا فیصلہ کیا تھا اور یہ فیصلہ کام آیا۔ میچ کے آغاز سے پہلے میں واشنگٹن سندر کے ساتھ بولنگ شروع کرنے کے بارے میں سوچا تھا۔ جب ہم نے پچ دیکھی تو خشک نظر آئی۔ ٹاس کے دوران بھی میں نے کہا تھا کہ ٹاس ہارنے پر ہمیں خوشی ہے کیونکہ اس پچ پر پہلے بیٹنگ کی بجائے بعد میں بیٹنگ کرنا آسان ہے۔

انہوں نے کہا کہ ہمارے پاس اننگز کو واشنگٹن اور کرس مورس کے ساتھ شروع کرنے کا اختیار تھا، لیکن اس بار ہم نے سوچا کیوں نہ سراج کو نئی گیند سے مورس کے ساتھ بالنگ کریں۔ میں نے واضح طور پر ان چیزوں کے بارے میں سوچا جو ہم میدان میں لاگو کرسکتے ہیں۔ ٹیم مینجمنٹ اس منصوبے پر کام کر رہی ہے۔ سراج نے میچ کے پہلے دو اوورز میں تین وکٹیں حاصل کیں اور پلیئر آف دی میچ بن گئے۔

کپتان وراٹ نے کہا کہ ہمارے پاس میدان میں دو اسکیمیں تھیں اور ٹیم کے کھلاڑی اس پر عمل پیرا رہے اس لئے ہم اچھی کارکردگی کا مظاہرہ کر رہے ہیں۔ مجھے نہیں لگتا کہ لوگ بنگلور ٹیم پر اعتماد کرتے ہیں لیکن میں اور ڈریسنگ روم کے سارے کھلاڑی بھروسہ رکھتے ہیں اور یہی اہم ہے۔ ہمارے پاس مہارت ہے۔ آپ کے پاس دنیا کے بہترین کھلاڑی ہوسکتے ہیں لیکن اگر آپ کو اعتماد نہیں ہے تو آپ کے میدان میں نتائج نہیں ہوں گے۔ انہوں نے بولرز کی تعریف کرتے ہوئے کہا کہ مورس نئی ذمہ داری کو بخوبی نبھا رہے ہیں، وہ رہنمائی کرنا پسند کرتے ہیں۔