ٹیسٹ سیریز: جوش سے لبریز ہندوستانی کھلاڑی جیت کے ارادے سے اتریں گے

وراٹ کوہلی، روہت شرما کی غیر موجودگی میں اجنکیا رہانے کی کپتانی میں کیویز ٹیم سے لوہا لینے والی ہندوستانی ٹیسٹ ٹیم میں تجربے کے ساتھ ساتھ نوجوان صلاحیتوں کا بھی امتزاج نظر آئے گا۔

تصویر بشکریہ ٹوئٹر@BCCI
تصویر بشکریہ ٹوئٹر@BCCI
user

یو این آئی

کانپور: نیوزی لینڈ کے خلاف ٹی 20 سیریز میں ملی 3-0 کی جیت کے سلسلے کو برقرار رکھنے کے ارادے سے نوجوان جوش و جذبے سے لبریز ہندوستانی ٹیم جمعرات کو یہاں گرین پارک اسٹیڈیم میں دو ٹیسٹ میچوں کی سیریز کا آغاز کرے گی۔

وراٹ کوہلی، روہت شرما کی غیر موجودگی میں اجنکیا رہانے کی کپتانی میں کیویز ٹیم سے لوہا لینے والی ہندوستانی ٹیسٹ ٹیم میں تجربے کے ساتھ ساتھ نوجوان صلاحیتوں کا بھی امتزاج نظر آئے گا۔ شریئس ایر، سوریہ کمار یادیو اور پرسدھ کرشنا آخری 11 میں موقع ملنے پر اپنے ڈیبیو ٹیسٹ میں اپنے انتخاب کو درست ثابت کرنے کی پوری کوشش کریں گے، جب کہ گرین پارک پچ گیند اور بلے سے شریئس ایر اور جینت یادو کا امتحان لے گی۔


گزشتہ کچھ عرصے سے فارم کے لیے جدوجہد کر رہے کپتان رہانے اور نائب کپتان چیتیشور پجارا کے پاس کیوی ٹیم کے خلاف اسکور بورڈ کو چلانے کی خصوصی ذمہ داری ہوگی۔ ایشانت شرما کی قیادت میں امیش یادو، محمد سراج یا پرسدھ کرشنا کی تیز گیند بازی شائقین کے لیے تجسس کا باعث ہوگی۔ وہیں تجربہ کار روی چندرن اشون کے علاوہ تیز طرار فیلڈرز رویندرا جڈیجہ، اکشر پٹیل، جینت یادو بھی اپنی اسپن سے کیوی ٹیم کو پریشان کر سکتے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔