جرمنی کے سرکاری اعداد و شمار کے مطابق گزشتہ برس کورونا وبا کی نئی لہر اور وبا کے پھیلاؤ کی روک تھام کے لیے لگنے والی پابندیوں کے باوجود شرح بے روزگاری میں کمی دیکھنے میں آئی ہے۔ پچھلے سال کے آخری دو ماہ میں یہ شرح پانچ اعشاریہ تین سے گر کر پانچ اعشاریہ دو پر آ گئی تھی یعنی دسمبر میں نومبر کے مقابلے میں بے روزگار لوگوں کی تعداد میں 23000 کی کمی ہوئی تھی۔
Published: undefined
وفاقی ادارہ برائے روزگار'بی اے‘ کے مطابق 23000 لوگوں کو نوکریاں فراہم کی گئیں۔ بی اے کے سربراہ ڈیٹلیف شیلے نے کہا ہے کہ پچھلے کچھ ماہ سے بے روزگاری کی شرح میں کمی دیکھنے میں آئی اور بہتری کا یہ رجحان دسمبر تک جاری رہا۔
Published: undefined
ان اعداد وشمار کے مطابق دسمبر میں بے روزگار افراد کی تعداد 2,330,000تھی، جو اس سے ایک برس قبل یعنی دسمبر 2020ء کے مقابلے میں قریب 378,000 کم ہے۔جرمنی کا زیادہ تر انحصار ریاستی امداد والے قلیل مدتی اسکیمز ( شارٹ ٹائم ورک) پر رہا ہے تاکہ چھوٹے کاروباروں اور ملازمین کو مدد فراہم کی جا سکے۔ اپریل کے مہینے میں جب کورونا وبا کی تباہ کاریاں عروج پر تھیں، 60 لاکھ جرمن شہریوں کی ملازمت کے اوقات کم کر دیے گئے تھے۔
Published: undefined
اکتوبر میں شائع ہونے والے ڈیٹا کے مطابق اس اسکیم سے اب بھی سات لاکھ سے زائد لوگ مستفید ہو رہے ہیں۔ بی اے کے مطابق پچھلے سال کے آخر میں اس قلیل مدتی اسکیم کے لیے موصول ہونے والی درخواستوں سے اندازہ ہوا کہ ملک میں کورونا وبا کی نئی شکل اومیکرون کی وجہ سے لوگوں میں مستقبل کو لے کر بے یقینی کتنی بڑھ رہی ہے۔ ماہِ دسمبر میں تقریبا 286000 لوگوں نے یہ درخواست جمع کرائی، جو اس سے ایک ماہ قبل نومبر میں ایک لاکھ سے کچھ زائد تھی۔
Published: undefined
قرض دینے والے ادارے کے ایف ڈبلیو کے سربراہ اور ماہرِ اقتصادیات فرٹزی کوہلر گائب کے مطابق پچھلے سال ملک میں مجموعی طور پر جاب مارکیٹ کی صورتحال بڑی حوصلہ افزا رہی ہے لیکن کورونا وائرس کا نیا ویریئنٹ جرمنی کی معیشت کے لیے ایک نیا امتحان ثابت ہوسکتا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined