’امریکی پابندیوں کا روس سے زیادہ عالمی معیشت پر پڑے گا اثر‘، 2 سب سے بڑی تیل کمپنیوں پر نئی پابندی کے بعد روس کا ردعمل

امریکہ نے روس کی 2 سب سے بڑی تیل کمپنی روسنیفٹ اور لوکوئیل پر عائد کی گئی نئی پابندیاں عائد کر دی ہیں۔ امریکہ کے اس قدم پر روس نے سخت ردعمل کا اظہار کیا ہے۔ روسی وزارت خارجہ کی ترجمان ماریہ زخارووا نے کہا کہ ’’یہ قدم الٹا اثر ڈالیں گے اور عالمی معیشت کو روس سے زیادہ نقصان پہنچائیں گے۔‘‘ ماریہ کا کہنا ہے کہ امریکہ کا یہ تعزیراتی قدم روس کو اس کے قومی مفادات پر معاہدہ کرنے کے لیے مجبور نہیں کر پائے گا۔ انہوں نے بتایا کہ روس بات چیت کے لیے تیار ہے، لیکن یہ بات چیت میڈیا بیان بازی کے بجائے سفارتی ذرائع سے ہونی چاہیے۔ انہوں نے کہا کہ یہ قدم مکمل طور سے الٹا اثر ڈالنے والا ہے اور یوکرین جنگ کے حل کی سمت میں کسی بامعنی مذاکرات کی امید کو مزید مشکل بنا دے گا۔ ماریہ زخارووا نے یہ بھی کہا کہ ’’روس نے مغربی پابندیوں کے خلاف مضبوط مزاحمت کی ہے اور ملک اپنی معاشی اور توانائی صلاحیت کو اعتماد کے ساتھ فروغ دیتا رہے گا۔‘‘

واضح رہے کہ چین نے بھی جمعرات کو امریکہ کی ان نئی پابندیوں پر سخت اعتراض کیا ہے۔ بیجنگ نے کہا کہ یہ ایک طرفہ قدم ہے جن کا کوئی بین الاقوامی قانونی بنیاد نہیں ہے۔ چین نے امریکہ سے کہا کہ دباؤ یا زبردستی کی پالیسی کے بجائے بات چیت کی راہ ہموار کی جائے۔ چین نے یورپی یونین کی حالیہ پابندیوں پر بھی تنقید کی ہے، جن میں کچھ چینی کمپنیوں پر روس کی مدد کرنے کے الزامات کی بنیاد پر کارروائی کی گئی ہے۔ چینی وزارت خارجہ کے ترجمان گوؤ نے کہا کہ ’’چین نہ تو یوکرین میں بحران کا ذمہ دار ہے اور نہ ہی اس کا حامی ہے۔ ہم ان تمام اقدام کی مخالفت کرتے ہیں جو چینی کمپنیوں کے قانونی مفادات کو نقصان پہنچاتے ہیں۔‘‘

تجزیہ کاروں کا خیال ہے کہ روس اور چین کا مشترکہ ردعمل امریکہ کی جانب سے عائد کی جا رہی پابندیوں کے خلاف ایک مضبوط محاذ تیار کر سکتا ہے۔ دونوں ممالک پہلے ہی ڈالر پر انحصار کم کرنے اور متبادل تجارتی نظام تیار کرنے کی سمت میں کام کر رہے ہیں۔ ماہرین کا کہنا ہے کہ اگر روس اور چین ایک ساتھ مل کر توانائی اور تجارتی تعاون کو مضبوط کرتے ہیں تو اس سے مغربی ممالک کی معاشی پالیسیوں پر اثر پڑ سکتا ہے اور عالمی طاقت کے توازن میں بھی تبدیلی دیکھنے کو مل سکتا ہے۔