کیا ایران کے جوہری مراکز پر اسرائیلی حملہ کے سبب قطر، یو اے ای اور کویت کا پانی زہریلا ہو گیا؟

اسرائیل نے رواں سال جون میں ایران کے جوہری مراکز پر حملہ کیا تھا۔ اس کے بعد سے کویت، قطر اور یو اے ای کے پانی میں زہریلا مادہ آ گیا ہے، جس کے سبب وہاں کے پانی میں زہر ہونے کا خدشہ بڑھ گیا ہے۔ قطر نے اس حوالے سے تشویش کا اظہار کیا ہے کیونکہ سمندر ہی قطر، متحدہ عرب امارات، کویت اور عمان کے لیے پانی کا اہم ذریعہ ہے۔ دوسری جانب ایران نے کہا کہ میزائل اور بمباری کے سبب ملک کی آب و ہوا میں زہریلے مادے پھیل گئے ہیں۔

گلوبل واٹر انٹیلی جنس (جی ڈبلیو آئی) نے بتایا ہے کہ اب دنیا کے 5 میں سے تقریباً 4 ملک سمندر کا پانی صاف کر کے پینے اور دیگر کاموں کے لیے استعمال کر رہے ہیں۔ اس عمل کو ’ڈی سیلینیشن‘ (صاف کرنا) کہتے ہیں، جس میں سمندر کے پانی سے نمک ہٹا کر صاف پانی بنایا جاتا ہے۔ کویت، عمان اور سعودی عرب جیسے ممالک میں مجموعی پانی کا 80 فیصد سے زیادہ حصہ سمندر کے پانی کو صاف کر کے ملتا ہے۔

آج کی تاریخ میں تقریباً 160 ممالک میں ایسے پلانٹ ہیں جو سمندر کا پانی صاف کرتے ہیں۔ گزشتہ 15 سالوں میں بہت سے سارے ممالک میں اس کام میں تیزی سے اضافہ ہوا ہے۔ مثال کے طور پر سنگاپور میں سمندر کے پانی کو صاف کرنے کی صلاحیت تقریباً 5 گنا بڑھ گئی ہے۔ کچھ ممالک میں یہ 10 سے 50 گنا تک بھی اضافہ ہوا ہے۔ اس لیے اب زیادہ سے زیادہ ممالک سمندر کے پانی سے صاف پانی بنانے لگے ہیں۔

ایران کا کہنا ہے کہ اسرائیلی حملے کے سبب تہران اور کئی شہروں میں کافی نقصان ہوا ہے۔ صرف تہران میں ہی 1.5 لاکھ ٹن ملبہ جمع ہو گیا ہے، جسے ہٹانے میں 8.7 ملین ڈالر سے زیادہ خرچ ہوا۔ فیکٹری اور فوجی علاقوں سے نکلے کچرے کو ہٹانے میں بھی 3.5 ملین ڈالر کا خرچ آیا۔ رے اور کان (سیستان، بلوچستان، اصفہان وغیرہ) علاقوں میں تیل کے ذخائر پر حملہ ہوا، جس کے سبب 1.95 کروڑ لیٹر تیل برباد ہو گیا۔ ساتھ ہی 47 ہزار ٹن گرین ہاؤس گیس اور تقریباً 5.8 لاکھ کلو گرام زہریلی گیس ہوا میں پھیل گئی۔ اس کی وجہ سے کئی علاقوں کی ہوا بہت ہی خراب ہو گئی ہے۔

ایران کا یہ بھی کہنا ہے کہ جنگ سے پانی، مٹی اور جنگلوں کو بھی خطرہ لاحق ہے۔ ابھی نقصان کی تحقیقات چل رہی ہے اور مکمل رپورٹ بین الاقوامی اداروں کو فراہم کی جائیں گی۔ دوسری جانب برطانیہ کی ایک تنظیم نے کہا کہ ایران-اسرائیل جنگ میں اسرائیل کو بھی نقصان ہوا ہے۔ وہاں ایک تیل ریفائنری میں آگ لگی تھ اور پائپ لائن ٹوٹ گئی تھی۔ اسرائیل کے مطابق 43 عمارتوں اور 65 جنگلات یا کھلے علاقوں میں آگ لگی تھی۔