اسکولی نصاب میں گیتا کو شامل کئے جانے پر وزیر تعلیم کرناٹک بی سی ناگیش نے کہا ’’قرآن مذہبی کتاب ہے جبکہ گیتا نہیں ہے، یہ دیوتا کی پوجا کرنے یا کسی طرح کی مذہبی رسومات کی بات نہیں کرتی۔ یہ ایک اخلاقی چیز ہے جو طلبا کو تحریک دیتی ہے۔ تحریک آزادی کے دوران بھی لوگوں نے مقابلہ کرنے کے لئے گیتا سے تحریک حاصل کی تھی۔‘‘
Published: 20 Sep 2022, 9:19 AM IST
بمبئی ہائی کورت کی جانب سے اداکار ارمان کوہلی کی درخواست ضمانت ایک لاکھ کے ذاتی مچلکہ پر منظور کر لی گئی ہے۔ ارمان کو نارکوٹکس کنٹرول بیورو نے منشیات سے متعلق ایک معاملہ میں گرفتار کیا تھا اور انہیں گزشتہ سال جیل میں قید کیا گیا تھا۔
Published: 20 Sep 2022, 9:19 AM IST
یوپی کے نوئیڈا میں دیوار گرنے سے ہونے والے حادثہ میں 4 افراد کی ہلاکتوں کے معاملہ میں پولیس نے سب کنٹریکٹر (نائب ٹھیکیدار) گل محمد کو گرفتار کر لیا ہے۔ گل محمد ٹھیکیدار کو مزدور فراہم کرتا تھا۔ گوتم بدھ نگر پولیس کے مطابق اہل خانہ کی طرف سے ایف آئی درج کرانے کے بعد یہ گرفتاری عمل میں آئی
Published: 20 Sep 2022, 9:19 AM IST
کرناٹک ہائی کورٹ کی طرف سے تعلیمی اداروں میں حجاب پر پابندی عائد کرنے کے فیصلہ کے خلاف سپریم کورٹ میں دائر کی گئی عرضی پر سماعت آج بھی جاری ہے۔ مدعا علیہ کی جانب سے پیش ہونے والے سالیسٹر جنرل تشار مہتا نے دلیل پیش کی کہ کرناٹک حکومت کا حکم یہ کہتا ہے کہ تمام طلبا طے شدہ یونیفارم ہی پہنیں گے۔ انہوں نے کہا کہ سرکلر میں مذہبی طور پر غیر جانبدار ہدایت دیتے ہوئے تمام مذاہب کے طلبا کے لئے ایک جیسی یونیفارم طے کرنے کو کہا گیا ہے۔
Published: 20 Sep 2022, 9:19 AM IST
نوئیڈا سیکٹر 21 میں واقع ’جل وایو وہار‘ سوسائٹی کی چاردیواری منہدم ہونے کی اطلاع موصول ہوئی۔ صبح کے وقت پیش آنے والے اس واقع میں کئی لوگ ملبہ میں پھنس گئے۔ پولیس اور فائر ڈیپارٹمنٹ کی ٹیمیں موقع پر موجود ہیں۔ ضلع مجسٹریٹ نے چار افراد کی ہلاکت کی تصدیق کی ہے۔
Published: 20 Sep 2022, 9:19 AM IST
وادی میں تین دہائیوں کے طویل عرصے کے بعد بڑے پردے کی واپسی ہونے جا رہی ہے۔ لیفٹیننٹ گورنر منوج سنہا آج سرینگر کے سونہ وار علاقے میں کشمیر کے پہلے ملٹی پلیکس (کثیر پردے والا سنیما گھر) کا افتتاح کریں گے۔
Published: 20 Sep 2022, 9:19 AM IST
امریکہ میں منکی پوکس کے تقریباً 24000 کیسز کی تصدیق ہوئی ہے۔ یو ایس سینٹر فار ڈیزیز کنٹرول اینڈ پریونشن (سی ڈی سی) کے تازہ ترین اعداد و شمار میں ان کیسز کی تصدیق ہوئی ہے۔ سی ڈی سی کے اعداد و شمار کے مطابق امریکی ریاستوں میں اب تک سب سے زیادہ کیلیفورنیا میں 4656 تصدیق شدہ کیسز ہیں، اس کے بعد نیویارک میں 3755 اور فلوریڈا میں 2398 کیسز درج کئے گئے ہیں۔
Published: 20 Sep 2022, 9:19 AM IST
مرکزی وزارت صحت کے مطابق گزشتہ 24 گھنٹے کے دوران ملک بھر میں کورونا وائرس کے 4043 نئے کیسز کی تصدیق کی گئی۔ اس دوران 4676 مریضوں نے شفایابی حاصل کر لی۔ ملک بھر میں کورونا کے فعال کیسز کی تعداد اب 47379 ہو گئی ہے جبکہ پازیٹوٹی کی شرح 1.37 فیصد پہنچ گئی ہے۔
Published: 20 Sep 2022, 9:19 AM IST
تمل اداکارہ پولین جیسیکا کے خودکشی کر لینے کی خبر ہے۔ دیپا کے نام سے مشہور 29 سالہ اداکارہ اپنے چنئی میں واقع اپارٹمنٹ میں مردہ پائی گئیں۔
Published: 20 Sep 2022, 9:19 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 20 Sep 2022, 9:19 AM IST