بھوٹان نے پی ایم مودی کو اعلیٰ ترین شہری اعزاز ’ناگداگ پیل کی خرلو‘ سے نوازنے کا کیا اعلان

تھمپو: بھوٹان نے جمعہ کو ہندوستان کے وزیر اعظم نریندر مودی کو کووڈ-19 کی وبا کے دوران بے لوث انداز میں دوستی کا ہاتھ بڑھانے اور مدد کرنے کے لیے ملک کا سب سے بڑا شہری اعزاز ’ناگداگ پیل گی خرلو‘ سے نوازنے کا اعلان کیا ہے۔ بھوٹان کے وزیر اعظم لوٹے شیرنگ نے ڈروک گیلپو کے حکم پر یہ اعلان کیا۔

بھوٹانی حکومت کے ایک بیان میں کہا گیا ہے کہ وبائی امراض کے دوران بھوٹان کی مدد کرنے کے لیے ہندوستان کے وزیر اعظم نریندر مودی کو ملک کے اعلیٰ ترین شہری اعزاز سے نوازنے کا اعلان کیا گیا ہے۔ قابل ذکر ہے کہ ہندوستان کئی ممالک کی مدد کورونا وبا پر قابو پانے کے لیے کر رہا ہے۔ کورونا ویکسین سے لے کر طبی سامانوں کی فراہمی بھی ہندوستان اپنے کئی دوست ممالک کو کر رہا ہے۔