بردوان: بردوان ضلع کے گلسی تھانہ علاقہ واقع آئی سی ڈی ایس اسکول میں اچانک دھماکہ ہونے کی وجہ سے ایک دیوار منہدم ہوگئی ہے۔پولس کے مطابق یہ واقعہ گلسی تھانہ کے تحت رام گوپال پور میں پیش آیا ہے۔ رام گوپال پور گاؤں کے باشندوں نے بتایا کہ اچانک دوپہر کے وقت لوگوں نے ایک زور داردھماکہ سنا جس کی وجہ سے پورے گاؤں میں خوف و ہراس پیدا ہوگیا۔واقعہ کی اطلاع ملنے کے بعد پولس کی بھاری نفری پہنچ گئی۔ یہ جاننے کی کوشش کی جارہی ہے کہ دھماکہ کے پیچھے کس کا ہاتھ ہے۔پولس نے تفتیش شروع کردی ہے۔تاہم ابتدائی جانچ کے مطابق اسکول کے کچن میں بم رکھا گیا تھا۔پولس یہ جاننے کی کوشش کررہی ہے کہ کچن میں بم کس نے رکھا اور اس کے پیچھے کن لوگوں کا ہاتھ ہے۔
Published: undefined
گاؤں والوں نے بتایا کہ دھماکہ کی شدت سے آئی سی ڈی ایس اسکول کا پورا باورچی خانہ ملبے میں تبدیل ہوگیاہے۔ تاہم واقعے میں کسی جانی نقصان کی اطلاع نہیں ہے۔ کورونا بحران کی وجہ سے، اسکول بند ہے۔اس کی وجہ سے طلبا دھماکہ کی زد میں آنے سے بچ گئے۔گلسی پولس اسٹیشن کے افسران نے پورے علاقے کا محاصرہ کرلیا ہے۔ ابتدائی طور پر پولس نے اندازہ لگایا ہے کہ یہاں کئی بم لاکر رکھے گئے تھے۔
Published: undefined
گاؤں والوں کا کہنا ہے کہ رام گوپال پور علاقے میں طویل عرصے سے ترنمول کانگریس کے دونوں گروپ کے درمیان جھڑپ اور تشدد کے واقعات ہوچکے ہیں۔گاؤں والوں کا خیال ہے کہ یہ دونوں پارٹیوں کی گروپ بندی کا نتیجہ ہے۔ گاؤں والوں نے اسکول کے نگراں سے پوچھ تاچھ کا مطالبہ بھی کیا ہے۔ کیونکہ اسکول کے کچن پر تالا لگا ہوا تھا، اس کے باوجود یہ بم باورچی خانے میں کیسے رکھے گئے۔
Published: undefined
اس درمیان بی جے پی کی مقامی قیادت نے اس واقعے کیلئے ترنمول کانگریس کو ذمہ دار ٹھہرایا ہے۔بی جے پی نے کہا کہ ترنمول کانگریس کے دور اقتدار میں بم صنعت کو کافی فروغ ملا ہے اور اس کاخمیازہ عام لوگوں کو بھگتنا پڑرہا ہے۔بی جے پی نے کہا ہے کہ بم چھپانے کے لئے اسکول کا انتخاب کرنا افسوس ناک ہے۔ لیکن ترنمول نے تمام الزامات کی تردید کی ہے۔ پولس کا کہنا ہے کہ تحقیقات کی جارہی ہے اور جلد حقیقت سامنے آئے گی۔ تاہم اس واقعے کے بعد علاقے میں خوف و ہراس پھیل گیا۔ پولس تعینات کردئیے گئے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا