بابری مسجد منہدم کرنے کی سازش معاملہ میں سپریم کورٹ نے اتر پردیش کی یوگی حکومت سے سوال کیا ہے کہ سی بی آئی جج ایس کے یادو کی مدت کار کس طرح بڑھائی جا سکتی ہے۔ اتر پردیش حکومت کو جمعہ تک بتانا ہے کہ اس سلسلے میں قانونی نظام کیا ہیں؟ سپریم کورٹ نے یوگی حکومت سے یہ بھی کہا ہے کہ سی بی آئی جج ایس کے یادو جب تک فیصلہ نہیں دیتے، تب تک انھیں سبکدوش نہ کیا جائے، اور اس کے لیے کیا راستہ اپنایا جا سکتا ہے۔
Published: 15 Jul 2019, 4:10 PM IST
واضح رہے کہ سی بی آئی جج ایس کے یادو نے سپریم کورٹ کو خط لکھ کر معاملے کی سماعت مکمل کرنے کے لیے 6 مہینے کا مزید وقت طلب کیا ہے۔ اس خط پر غور کرتے ہوئے سپریم کورٹ نے کہا کہ ’’یہ بے حد ضروری ہے کہ سی بی آئی جج ایس کے یادو معاملے کی سماعت پوری کر فیصلہ سنائیں۔‘‘ سپریم کورٹ اب جمعہ کے روز اس معاملے کی سماعت کرے گا۔ دراصل سی بی آئی جج ایس کے یادو 30 ستمبر کو سبکدوش ہو رہے ہیں۔ اسی کے پیش نظر عدالت نے کہا کہ ہم شق 142 کے تحت حکم جاری کریں گے کہ انھیں 30 ستمبر کو سبکدوش نہ کیا جائے۔
Published: 15 Jul 2019, 4:10 PM IST
غور طلب ہے کہ بابری مسجد گرانے کی سازش کے ٹرائل معاملہ میں سی بی آئی جج کی عرضی پر سپریم کورٹ نے سماعت کی۔ گزشتہ سماعت میں سپریم کورٹ نے ٹرائل کی سماعت کر رہے سی بی آئی جج ایس کے یادو سے پوچھا تھا کہ وہ کس طریقے سے ٹرائل کو طے وقت میں پورا کریں گے۔ عدالت نے مہر بند لفافے میں جانکاری دینے کے لیے کہا تھا۔ 19 اپریل 2017 کو دو سال میں ٹرائل مکمل کرنے کا حکم دیا گیا تھا۔ عدالت نے جج کی عرضی پر الٰہ آباد ہائی کورٹ کے رجسٹرار کو نوٹس جاری کیا تھا۔
Published: 15 Jul 2019, 4:10 PM IST
معاملہ کچھ یوں ہے کہ ایودھیا واقع بابری مسجد منہدم کرنے کی سازش سے متعلق کیس کی سماعت کر رہے سی بی آئی جج ایس کے یادو نے سپریم کورٹ میں عرضی داخل کی تھی۔ عرضی میں ہائی کورٹ کے ذریعہ ان کے پرموشن پر روک کا معاملہ اٹھایا گیا۔ ان کے پرموشن پر ہائی کورٹ نے روک لگا دی ہے۔ ہائی کورٹ نے اس لیے یہ روک لگائی ہے کیونکہ سپریم کورٹ نے کہا تھا کہ معاملہ کی سماعت کر رہے جج کا ٹرانسفر نہ ہو اور روزانہ سماعت ہو۔ جج کا کہنا ہے کہ ان کے پروموشن کو نہ روکا جائے۔
Published: 15 Jul 2019, 4:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 15 Jul 2019, 4:10 PM IST