ممبئی کے مانخورد علاقے میں ایک چال گرنے سے چھ افراد ہلاک
جائے وقوعہ پر موجود لوگوں کے مطابق عمارت کا ایک حصہ زوردار آواز کے ساتھ گر گیا جس سے آس پاس کے علاقے میں خوف وہراس پھیل گیا۔
ممبئی میں موسلادھار بارش کے درمیان مانخورد کے علاقے میں ایک حادثہ پیش آیا، جس میں ایک چال کا ایک حصہ گرنے سے چھ افراد ہلاک ہوگئے۔ اطلاعات کے مطابق، مانخورد میں ہنومان مندر کے پیچھے جنتا نگر کے علاقے میں اتوار کی رات تقریباً 8:30 بجے تین منزلہ چال کی عمارت کا ایک حصہ منہدم ہوگیا۔
واقعے کی اطلاع ملتے ہی ممبئی پولیس، فائر بریگیڈ، بی ایم سی وارڈ کا عملہ اور ایمبولینس جائے وقوعہ پر پہنچی اور راحت اور بچاؤ کا کام شروع کیا۔ ملبے تلے مزید افراد کے دبے ہونے کا خدشہ ہے۔ جائے وقوعہ پر موجود لوگوں کے مطابق عمارت کا ایک حصہ زوردار آواز کے ساتھ گر گیا جس سے آس پاس کے علاقے میں خوف وہراس پھیل گیا۔ اس وقت جائے وقوعہ پر راحت اور بچاؤ کی کارروائیاں جاری ہیں، حالانکہ ابھی تک حادثے کی وجہ معلوم نہیں ہو سکی ہے۔
اطلاعات کے مطابق ممبئی سمیت مہاراشٹر کے مختلف حصوں میں گزشتہ کچھ دنوں سے موسلادھار بارش کا سلسلہ جاری ہے۔ درخت گرنے اور دیگر وجوہات سے ہلاکتوں کی اطلاعات سامنے آرہی ہیں۔ اتوار کی شام موسلا دھار بارش کی وجہ سے ایک عمارت کے گرنے سے چھ افراد ہلاک ہو گئے۔ ایک شخص کو تشویشناک حالت میں اسپتال میں داخل کرایا گیا ہے۔ اسپتال سے موصول ہونے والی معلومات کے مطابق مرنے والوں میں چار خواتین اور دو مرد شامل ہیں۔ مانخورد کا علاقہ ممبئی کی سرحد پر واقع ہے۔ مانخورد کا علاقہ چھوٹی کچی آبادیوںا اور چھوٹے گھروں کا گھر ہے۔
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔