دہلی میں بارش نے دی لوگوں کو گرمی سے راحت، لکھنؤ میں موسم سہانا

نئی دہلی: قومی راجدھانی کے کچھ حصوں میں منگل کو درمیانی سے بھاری بارش ہوئی جس سے لوگوں کو گرمی سے راحت ملی۔ اس دوران کم از کم درجہ حرارت 24.9 ڈگری سیلسیس تک پہنچ گیا، جو موسم کےاوسط سے تین ڈگری کم ہے۔ ادھر، یوپی کی راجدھانی دہلی میں بارش ہونے کے بعد موسم سہانا ہو گیا ہے۔

محکمہ موسمیات کا کہنا ہے کہ راجدھانی دہلی میں زیادہ سے زیادہ درجہ حرارت 32 ڈگری تک پہنچنے کا امکان ہے۔ پچھلے تین دنوں میں دہلی میں مانسون سے پہلے کی بارش میں 34 فیصد تک کمی آئی ہے۔ مرکزی آلودگی کنٹرول بورڈ نے کہا کہ آج دہلی میں ہوا کے معیار کا انڈیکس درمیانے زمرےمیں درج کیا گیا ہے۔ آج صبح 8.30 بجے نسبتاً نمی کا تناسب 71 فیصد ریکارڈ کیا گیا۔

دہلی میں پیر کو زیادہ سے زیادہ درجہ حرارت 32.8 ڈگری سیلسیس ریکارڈ کیا گیا، جو موسم کے اوسط سے چھ ڈگری کم تھا۔محکمہ موسمیات نے کہا کہ جنوب مغربی مانسون 27 جون کے آس پاس دہلی پہنچ جائے گا۔

ادھر یوپی کی راجدھانی لکھنؤ میں تیز ہوا اور بونداباندی کے بعد موسم سہانا ہو گیا ہے، جس سے لکھنؤ کے باشندگان کو گرمی کے کچھ راحت نصیب ہوئی۔ تاہم ہلکی بارش کے بعد دھوپ پھر سے نکل آئی۔ اگلے پانچ دن تک لکھنؤ کے آسمان پر بادلوں کی آمدورفت جاری رہنے کی پیشن گوئی کی گئی ہے۔ تاہم ریاست کے کچھ اضلاع میں ہلکی بارش ہو سکتی ہے۔

(یو این آئی ان پٹ کے ساتھ