اوم برلا کی پارلیمنٹ ہاؤس کے دروازے پر احتجاج نہ کرنے کی سخت ہدایت

لوک سبھا کے اسپیکر اوم برلا نے پارلیمنٹ ہاؤس کمپلیکس کے مکر دوارپر جمعرات کو پیش آئے واقعہ کے پیش نظر ارکان کو پارلیمنٹ کے کسی بھی گیٹ پر احتجاج نہ کرنے کی سخت ہدایت دی ہے۔ ذرائع کے مطابق اوم برلا نے کہا کہ ’’پارلیمنٹ کا کوئی بھی رکن یا کسی بھی سیاسی جماعت کا کوئی رکن پارلیمنٹ ہاؤس کے کسی بھی گیٹ پر احتجاج نہیں کرے گا‘‘۔

حزب اختلاف جماعتوں کے ارکان اپنے مطالبات کے حق میں اکثر پارلیمنٹ کی کارروائی شروع ہونے سے پہلے پارلیمنٹ ہاؤس کے احاطے میں مظاہرہ کرتے ہیں۔ کانگریس اور دیگر اپوزیشن جماعتوں کے ارکان گزشتہ 14 دنوں سے پارلیمنٹ میں مختلف مسائل پر بحث کا مطالبہ کرتے ہوئے پارلیمنٹ ہاؤس احاطے میں مارچ کرکے مکر دوار پر احتجاج کررہے ہیں۔ کل صبح اسی گیٹ پر بی جے پی اور کانگریس ارکان پارلیمنٹ کے درمیان دھکا مکی کے ایک دوسرے پر الزام لگائے گئے ہیں۔

اوم برلا کا یہ فیصلہ کتنا صحیح ہے اس کا آنے والے دنوں میں پتہ لگے گا لیکن فی الحال پارلیمنٹ احاطے میں یہ پابندی آئد ہو گئی ہے اور اب کوئی بھی شخص پارلیمنٹ کے کسی بھی دروازہ پر احتجاج نہیں کر سکتا۔