جے پور میں مہنگائی کے خلاف زبردست اجلاس کچھ گھنٹوں میں

راجستھان کی راجدھانی میں اب سے کچھ گھنٹوں بعد مہنگائی کے خلاف ایک زبردست ’مہنگائی ہٹاؤ مہا ریلی‘ ہونے والی ہے۔ اس ریلی کا انعقاد چاہے حزب اختلاف کی سب سے بڑی سیاسی پارٹی کانگریس کر رہی ہو لیکن مہنگائی کے خلاف ہر شخص میں زبردست غصہ ہے چاہے اس کا تعلق کانگریس سے ہو یا نہ ہو۔

کل کانگریس کے سینئر رہنماؤں نے جے پور میں واقع ودھیا نگر اسٹیڈئم کا دورہ کیا اور تمام انتظامات کو حتمی شکل دی۔ مہنگائی کے خلاف اس اجلاس میں ملک کے ہر کونے سے لوگ آ رہے ہیں اور وہ یہاں پہنچ کر اپنی ناراضگی کا اظہار کرنا چاہتے ہیں ۔

واضح رہے عالمی منڈی میں تیل کی قیمتوں میں زبردست کمی کے با وجو اور د ہندوستان میں پیٹرول پر ٹیکس کم کرنے کے باوجود پیٹرول اور ڈیزل کی قیمتیں فی لیٹر سو روپے کے قریب ہی ہیں ۔ واضح رہے یو پی اے کے دور میں جب عالمی منڈی میں تیل کی قیمتیں بہت زیادہ تھیں اس وقت ہندوستان میں تیل کی قیمتیں بہت کم تھیں اور اس وقت بی جے پی یو پی اے سے قیمتیں کم کرنے کا مطالبہ کرتی تھی لیکن اقتدار میں آنے کے بعد اس نے پوری طرح یو ٹرن لے لیا ہے۔ ادھر گھریلو گیس کی قیمتوں میں زبردست اضافہ ہوا ہے۔ سبزیوں اور کھانا بنانے والے تیل کی قیمتوں میں زبردست اضافہ ہوا ہے۔ عوام بڑھتی مہنگائی کو لے کر بہت پریشان ہے ۔

مہنگائی کے خلاف جے پور میں ہونے والی آج کی ریلی کو لے کر عوام میں مرکز کی بی جے پی حکومت کے خلاف زبردست غصہ ہے ۔