ہندوستان ہمیشہ اپنے روسی دوستوں کے ساتھ کھڑا ہے: وزیر دفاع راج ناتھ سنگھ کا بیان

وزیر دفاع راج ناتھ سنگھ جو روس کے دورے پر ہیں، نے منگل کو ماسکو میں روسی صدر ولادیمیر پوتن کے ساتھ دفاعی شعبے میں دو طرفہ تعاون کے مختلف امور پر تبادلہ خیال کیا۔ اس میٹنگ کے دوران، جو فوجی-تکنیکی تعاون پر ہندوستان-روس بین حکومتی کمیشن کے 21ویں اجلاس کے موقع پر ہوئی، وزیر دفاع نے صدر پوتن کو وزیر اعظم نریندر مودی کی نیک خواہشات سے آگاہ کیا۔ 

راج ناتھ سنگھ نے دو طرفہ دفاعی تعاون کے مختلف امور پر تبادلہ خیال کیا۔ دونوں رہنماؤں نے اس اعتماد کا اظہار کیا کہ دونوں ممالک کے درمیان شراکت داری میں بے پناہ امکانات ہیں اور مشترکہ کوششیں شاندار نتائج کا باعث بنیں گی۔

ملاقات کے دوران وزیر دفاع راج ناتھ سنگھ نے کہاکہ "ہمارے ممالک کے درمیان دوستی سب سے اونچے پہاڑ سے زیادہ بلند اور سمندرکی گہرائی سے زیادہ گہری ہے۔" انہوں نے کہا کہ ہندوستان ہمیشہ اپنے روسی دوستوں کے ساتھ کھڑا ہے اور مستقبل میں بھی کرتا رہے گا۔