مہاراشٹر: زہریلا کھانا کھلانے والی عورت گرفتار

مہاراشٹر پولس نے رائے گڑھ ضلع سے ایک عورت کو کھانے میں زہر ملا کر 5 رشتہ داروں کو قتل کرنے کے الزام گرفتار کیا ہے، پولس کا کہنا ہے کہ ملزم نے تفتیش میں اپنے جرم کا اعتراف کر لیا ہے کہ اس کی سیاہ جلد ( کالے) ہونے کے سبب اس کو تانے ملتے تھے ، اسی کو لے کر وہ ذہنی تناؤ میں تھی ، بدلہ لینے کے لئے اس واقعہ کو انجام دیا۔

رائے گڑھ کے پولس سپرنٹنڈنٹ انل پراسكر نے بتایا کہ ملزم خاتوں نے 18 جون کو كھالاپور تحصیل کے مہاڑگاؤں میں اپنے ایک رشتہ دار سبھاش مانے کے یہاں ہوئی پارٹی میں دال بنائی اور اس میں جیوتی نے زہریلی دوا ملا دی تھی، اس نے ایک بالٹی میں دال نکال کر زہریلی دوا ملائی تھی۔ اس کے بعد اس نے اپنی دونوں نند، سبھاش کی بیوی اور بیٹی کو دال کھانے کے لئے نکال کر دی تھی، وہ اپنے شوہر، ساس اور سبھاش مانے کو دال نہیں کلا پائی کیونکہ وہ پہلے ہی کھانا کھا چکے تھے، اس کے علاوہ دال کھانے کے بعد 7 سے 13 سال کی عمر کے درمیان 4 بچے اور 53 سال کے ایک شخص کی موت ہو گئی تھی، مرنے والوں میں ملزم خواتین کے دو رشتہ دار بھی شامل تھے۔

خبروں کے مطابق، 18 جون کو سبھاش مانے نے مہاڑ گاؤں میں اپنے نئے گھر میں شفٹ ہونے سے قبل امن کے لئے پوجا رکھی تھی اور پھر بھنڈارا (دعوت)کرایا تھا، بھنڈارے کا کھانا کھانے کے بعد کئی لوگوں نے پیٹ میں درد کی شکایت کی اور پھر اچانک قے کرنے لگے، ان لوگوں کو قریبی پرائیویٹ کلینک اور ہسپتال لے جایا گیا۔ زہریلا کھانا ہونے کے سب لوگ بیمار پڑ گئے تھے ، اہریلا کھانے کی وجہ 5 لوگوں کی موت واقع ہو گئی تھی جبکہ 120 لوگ بیمارہو گئے تھے۔