یوم شہادت بابری مسجد: تلنگانہ اور اے پی میں یومِ سیاہ

حیدرآباد: بابری مسجد کی شہادت کے پیش نظر مسلم تنظیموں کے یوم سیاہ اور بند کی بند کی اپیل کے پیش نظر شہر حیدرآباد میں پولیس کی جانب سے چوکسی میں اضافہ کر دیا گیا۔

مختلف تنظیموں بشمول مجلس نے مسلمانوں سے اپیل کی ہے کہ وہ اپنے کاروبار رضاکارانہ طورپر بند رکھیں۔ پولیس نے اس بند کے پیش نظر چوکس بڑھا دی اور جگہ جگہ پولیس بندوبست دیکھا جا رہا ہے۔ حساس مقامات پر پولیس پکٹ تعینات کردیا گیا۔ پولیس کی گشت میں بھی اضافہ کر دیا گیا۔

تلنگانہ اور آندھراپردیش میں کئی مسلم تنظیموں کی جانب سے رضاکارانہ بند اور یوم سیاہ منایا گیا۔ رضاکارانہ طور پر کاروباری ادارے بند رکھے گئے۔ مساجد میں بابری مسجد کی دوبارہ اسی مقام پر تعمیر کے لئے دعائیں بھی کی گئیں۔ ساتھ ہی کئی تنظیموں نے مساجد کو آباد رکھنے کی بھی خواہش کی اور نمازوں کی پابندی پر بھی زور دیا۔