مدھیہ پردیش: شیو راج سنگھ کی بیوی پر عوام کا پھوٹا غصہ، ویڈیو وائرل

مدھیہ پردیش کے وزیر اعلی شیوراج سنگھ کی بیوی سادھنا اپنے شوہر کے لئے گھر گھر جاکر ووٹ مانگنے کا کام کرہی ہیں اور لوگوں سے اپنے شوہر اور مدھیہ پردیش کے وزیر اعلیٰ شیوراج سنگھ چوہان کے لئے اپیل کررہی ہیں کہ ان کو کثیر تعداد میں ووٹ کریں۔ اسی کے تحت جب سادھنا سنگھ ایک گاؤں میں لوگوں سے ووٹ مانگ رہی تھیں تو وہاں عوام کے تیور کچھ مختلف ہی نظر آئے۔

بدھنی اسمبلی حلقہ سے الیکشن لڑ رہے شیوراج سنگھ کی بیوی سادھنا سنگھ کو عوام کے غصے کا اس وقت سامنا کرنا پڑا، جب بدھنی اسمبلی حلقہ میں سادھنا سنگھ اپنے شوہر شیوراج سنگھ کے لئے ووٹ مانگنے پہنچیں تو وہاں موجود خواتین کا غصہ پھوٹ پڑا۔ ان لوگوں نے سادھنا سنگه کو جم کر کھری کھوٹی سنائی، اس دوران ایک خاتون نے کہا کہ جب پینے کے پانی کا مسئلہ آج تک حل نہیں ہوا تو آپ کو ووٹ کیوں دیں۔

خاتون نے پانی کے مسئلے کو لے کر سادھنا سنگھ سے غصے میں کہا، 'جب انتخابات کا وقت آتا ہے تو آپ لوگ کہتے ہیں کہ سارے کام ہو جائیں گے، لیکن آج تک ہمیں پینے کا پانی نہیں مل رہا، ’میڈم پیاسا مار ڈالا‘۔ حالانکہ وہاں موجود تمام لوگ اس عورت کو سمجھانے کہ کوشش کرتے نظر آئے لیکن عورت کا غصہ کم نہیں ہوا، جب ساتھ چل رہے کارکنان نے خاتوں سے امن برقرار رکھنے کے لئے کہا تو خاتوں غصہ میں بولی کیا امن برقرار رکھیں؟ اس خاتون نے ہاتھ جوڑ کر سادھنا سنگھ کو چلتا کیا، اس طرح کے حالات دیکھ کر سادھنا سنگھ بھی اپنے کو غیر آرام دہ محسوس کرتی نطر آئیں۔

اس ویڈیو کو لے کر کانگریس کے ریاستی صدر کمل ناتھ نے ٹوئٹ کرتے ہوئے لکھا، ’’ماماجی، آپ نے پوری ریاست کو بدحالی کے دہانے پر لا کھڑا کیا ہے، کیا آپ خود کے گاؤں کا خیال بھی نہیں رکھ سکتے تھے، آپ تو ٹھیک ہیں، اب سادھنا بھابھی کو بھی ریہٹی گاؤں کے عوام پینے کے پانی کو دستیاب نہ کروانے کو لے کر ملامت کر رہے ہیں، شرم کرو‘‘۔

واضح رہے کہ مدھیہ پردیش میں 28 نومبر کو پولنگ ہے اور 11 دسمبر کو نتائج کا اعلان ہوگا۔