نئی دہلی: پارلیمنٹ میں بجٹ 2021-22 پیش کیے جانے سے پہلے اجلاس کو احسن طریقہ سے چلانے کے لئے تمام جماعتوں کے تعاون کے لئے حکومت نے آج کل جماعتی میٹنگ بلائی جس میں کانگریس سمیت کئی اپوزیشن جماعتوں کے لیڈر شامل ہوئے اور جلد از جلد کسانوں کا معاملہ حل کرنے کی حکومت سے درخواست کی۔
Published: undefined
اپوزیشن جماعتوں نے دو مہینہ سے زیادہ وقت سے جاری کسان تحریک کو ختم کرنے کے لئے حکومت سے ان سے بات چیت کرنے کی درخواست کی اور کہا کہ جب تک کسان سڑکوں پر ہیں تب تک کسی بھی جماعت کے لئے پارلیمنٹ کے اجلاس میں احسن طریقہ سے کام کاج کرنا آسان نہیں ہوگا۔
Published: undefined
وزیراعظم نریندر مودی کی قیادت میں سنیچر کو یہاں ہوئی ورچول میٹنگ میں راجیہ سبھا میں اپوزیشن کے لیڈر غلام نبی آزاد، دراوڑ منیتر کزگم کے آر بالو، لوک سبھا میں ترنمول کانگریس کے لیڈر سدیپ بندوپادھیائے سمیت کئی جماعتوں کے لیڈروں نے کسانوں سے منسلک معاملہ کو اٹھایا اور حکومت سے بات چیت کرکے فوری طورپر اس بحران کا حل نکالنے کی درخواست کی۔
Published: undefined
میٹنگ میں جنتادل یو نے زرعی قوانین کی حمایت کی، جبکہ بیجو جنتادل کے پناکی مشر نے بجٹ اجلاس میں خواتین ریزرویشن بل لانے کی حکومت سے مانگ کی۔ خیال رہے کہ کانگریس سمیت 17اپوزیشن جماعتیں تینوں زرعی قوانین واپس لینے کی مانگ کر رہی ہیں اور اس کے لئے حکومت پر دباو بنائے ہوئے ہیں۔ ان دونوں جماعتوں نے جمعہ کو صدر رامناتھ کووند کے پارلیمنٹ کے سنٹرل ہال میں دیئے گئے خطاب کا بائیکاٹ کیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا