کیتھل: ہریانہ میں آج یہاں بھارتیہ جنتا پارٹی (بی جے پی) کو اس وقت زور کا جھٹکا لگا جب اس کے شہری پردھان اور سابق کونسلر وکی شرما، شکتی کیندر پرمکھ ابھیجیت جوشی، بوتھ انچارج اشوک دھیمان اور سریش کمل اور انکے کئی حامی آج پارٹی چھوڑ کر کانگریس میں شامل ہوگئے۔
Published: 11 Oct 2019, 8:00 PM IST
کیتھل اسمبلی سیٹ سے کانگریس کے امیدوار اور کانگریس کے قومی میڈیا کوآرڈینیٹر رندیپ سنگھ سرجے والا نے ان تمام بی جے پی کارکنوں کا پارٹی میں استقبال کرتے ہوئے کہا کہ ان کے آنے سے کانگریس مضبوط ہوگی۔ انہوں نے ان تمام لیڈروں کو کانگریس میں پورا احترام و عزت دینے کا بھی یقین دلایا۔ بتایا جاتا ہے کہ تمام بی جے پی کارکن کم از کم 75پولنگ مراکز کا کام کاج دیکھ رہے تھے اور ان کے پارٹی چھوڑنے سے کانگریس کی کی حالت مضبوط ہوئی ہے۔
Published: 11 Oct 2019, 8:00 PM IST
بی جے پی نے کیتھل ضلع کی پونڈری اور گوہلا اسمبلی حلقوں میں پارٹی کے باقاعدہ امیدواروں کے خلاف انتخابات لڑ رہے موجودہ رکن اسمبلی دنیش کوشک سمیت تین لیڈروں کے خلاف تادیبی کارروائی کرتے ہوئے چھ برس کے لئے نکال دیا۔
Published: 11 Oct 2019, 8:00 PM IST
بی جے پی کے یہاں جاری ایک بیان کے مطابق ریاستی صدر سبھاش برالا نے یہ کارروائی کی ہے۔ نکالے گئے ان لیڈروں میں پنڈری اسمبلی حلقہ سے موجودہ رکن اسمبلی دنیش کوشک کے علاوہ اسی انتخابی حلقہ سے اپنے پچھلے الیکشن میں شکست کھانے والے رندھیر گولن ہیں۔ کوشک بطورآزاد امیدوار 2014میں پنڈری سے الیکشن جیتے تھے۔ انہوں نے مسٹر گولن کو شکست دی تھی۔ مسٹر کوشک گزشتہ جون مہینہ میں بی جے پی میں شامل ہوگئے تھے۔ کوشک اور گولن کو ٹکٹ ملنے کی امید تھی لیکن دونوں کے ٹکٹ کاٹ دیئے گئے۔ بی جے پی نے یہاں سے وید پال ایڈوکیٹ کو امیدوار بنایا ہے۔
Published: 11 Oct 2019, 8:00 PM IST
اسی طرح گوہلا اسمبلی حلقہ میں پارٹی کے باقاعدہ امیدوار کے خلاف بطور آزاد امیدوار میدان میں اترے دیوندر ہنس کوبھی پارٹی سے چھ برس کے لئے نکال دیا گیا ہے۔ یہ تما م لوگ پارٹی ٹکٹ کے دعویدار تھے لیکن ٹکٹ کٹنے پر آزاد امیدوار کے طورپر انتخابات میں اترے ہوئے تھے۔
Published: 11 Oct 2019, 8:00 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 11 Oct 2019, 8:00 PM IST
تصویر: محمد تسلیم
تصویر: سوشل میڈیا