دہلی میں کورونا کے معاملوں میں کمی لیکن ریکارڈ 380 اموات درج

جس طرح دہلی میں کورونا کے نئےمعاملوں میں کمی رپورٹ کی گئی ہے وہ ایک اچھی خبر ہےلیکن اموات کی تعداد کولے کرتشویش بڑھ رہی ہے۔ راجدھانی دہلی میں جہاں کل کورونا کے 20,201 نئےمعاملہ رپورٹ ہوئے وہیں اس وبا سے مرنےوالوں کی تعداداب تک کی سب سے زیادہ رہی ۔کل دہلی میں کورونا سے 380 لوگوں کی موت ہوئی۔

واضح رہے دہلی میں اب تک 10,47,916لوگ کورونا سے متاثر ہوئے ہیں اور اس وبا سے اب تک 14628لوگوں کی موت ہو چکی ہے ۔ دہلی میں سب سے زیادہ کورونا کے معاملہ گزشتہ منگل کورپورٹ ہوئےتھے اور یہ تعداد 28395 تھی۔واضح رہے گزشتہ ایک ہفتہ میں کورونا متاثرین کی تعداد میں مستقل کمی درج ہوئی لیکن اموات کی تعداد میں اضافہ دیکھنے میں آیا ہے۔

واضح رہے دہلی میں آکسیجن کی زبردست قلت ہے اور ہرلیول پر کوشش کی جا رہی ہےکہ اس قلت پر قابو پایا جا سکے۔ دہلی کےوزیر اعلی پہلے ہی کہہ چکے ہیں کہ لاک ڈاؤن اس لئےلگایا جا رہا ہےکیونکہ دہلی میں موجود طبی انفراسٹرکچر مزید بوجھ برداشت کرنے کا اہل نہیں ہے۔ ادھر کئی اسپتالوں سے بیچ میں یہ خبریں آتی رہیں کہ ان کےیہاں صرف چند گھنٹوں کی آکسیجن بچی ہے۔ دہلی کے طبی عملہ کی جتنی بھی تعریف کی جائےکم ہے کیونکہ بحران کےاس وقت میں انہوں نے انتہائی خوش اصلوبی کے ساتھ اپنا کام انجام دیا ہے۔