نئی دہلی ریلوے اسٹیشن / آئی اے این ایس
دہلی پولیس نے نئی دہلی ریلوے اسٹیشن پر بیگ چوری کرنے والے ایک منظم گروہ کا پردہ فاش کرتے ہوئے چار ملزمان کو گرفتار کر لیا ہے۔ پولیس کے مطابق یہ گروہ خاص حکمت عملی کے ساتھ کام کرتا تھا تاکہ بھیڑبھار والے علاقوں میں آسانی سے واردات انجام دے سکے اور سی سی ٹی وی کی نگرانی سے بچ سکے۔
Published: undefined
پولیس کے ایک اعلیٰ افسر نے بتایا کہ یہ گروہ کپڑے کے تاجروں کا روپ دھار کر اسٹیشن کے آس پاس کے ہوٹلوں میں قیام کرتا تھا۔ گروہ میں شامل افراد کئی خالی بیگ اپنے ساتھ رکھتے تھے جن کا رنگ سیاہ یا نیلا ہوتا تھا، تاکہ اصل بیگ سے بآسانی بدلا جا سکے اور کسی کو شک نہ ہو۔ گروہ کا بنیادی ہدف وہ مسافر ہوتے تھے جو ٹرین میں چڑھنے یا اترنے کے دوران مصروف اور غیر محتاط ہوتے ہیں۔
Published: undefined
پولیس نے جن چار افراد کو گرفتار کیا ہے ان کے نام امت کمار (37 سال)، کرن کمار (27 سال)، گورو (33 سال) اور پونیت مہتو (38 سال) ہیں اور یہ سب بہار سے تعلق رکھتے ہیں۔ ان کے خلاف حالیہ کارروائی اس وقت عمل میں آئی جب تین جولائی کو نئی دہلی ریلوے اسٹیشن پر واقعہ پیش آیا۔ متاثرہ مسافر نے شکایت درج کرائی کہ شری ماتا ویشنو دیوی کٹرا سپر فاسٹ ایکسپریس کے کوچ اے-1 سے پانچ بیگ غائب ہو گئے ہیں۔
Published: undefined
پولیس نے واقعے کی تحقیقات کا آغاز کیا اور اسٹیشن کے سی سی ٹی وی فوٹیج کا جائزہ لیا۔ فوٹیج میں کچھ مشتبہ افراد کی حرکات نظر آئیں، جن کی بنیاد پر ٹیم نے پہاڑ گنج کے ایک ہوٹل تک ان کا پیچھا کیا۔ وہاں چھاپہ مار کر چاروں افراد کو گرفتار کر لیا گیا۔
دورانِ تفتیش انکشاف ہوا کہ ملزمان نے بیگ چوری کرنے کے بعد اسی رنگ کے دوسرے بیگ رکھ دیے تھے تاکہ فوری طور پر کسی کو پتہ نہ چلے کہ بیگ تبدیل ہو چکا ہے۔ اس طریقہ کار سے وہ بارہا کامیاب وارداتیں کر چکے تھے۔
Published: undefined
پولیس افسر نے بتایا کہ گرفتار شدگان سے مزید تفتیش جاری ہے اور امکان ہے کہ اس گروہ نے دیگر شہروں میں بھی اسی طرز کی چوریاں کی ہوں۔ پولیس اب گروہ کے دیگر ممکنہ ارکان اور ان کے نیٹ ورک کا پتہ لگانے کی کوشش کر رہی ہے۔ شہریوں کو مشورہ دیا گیا ہے کہ وہ ریلوے اسٹیشن پر اپنے سامان پر خاص توجہ دیں اور مشکوک افراد کی موجودگی کی صورت میں فوری اطلاع دیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined