پولیس محکمے میں خوف، بریلی میں ایس پی کرائم سمیت 10 مزید کورونا متاثر پائے گئے

اترپردیش کے ضلع بریلی میں اتوار کو مزید دس کورونا پوزیٹیو میں پولیس افسر (کرائم) رمیش بھارتیہ بھی شامل ہیں۔ اس خبر کے بعد پولیس محکمے میں ہنگامہ بپا ہے۔

بریلی ضلع کے سرویلانس افسر ڈاکٹر رنجن گوتم نے آج یہاں یہ اطلاع دی ہے۔ انہوں نے بتایا کہ ایس پی کرائم مسٹر بھارتیہ کا سیمپل 13 جون کو لیا گیا تھا اور اسی دن بھارتیہ کے سیمپل کو مویشی سے متعلق میڈیکل ریسرچ انسٹی ٹیوٹ (آئی آر وی آئی) بریلی تفتیش کے لیے بھیجا گیا تھا۔ آج شام موصول رپورٹ کے مطابق 10 کورونا پوزیٹیو پائے گئے جس میں مسٹر بھارتیہ کا نام بھی شامل ہے۔

انہوں نے بتایا کہ مسٹر بھارتیہ کی رہائش گاہ کے آس پاس کا ایریا ہاٹ اسپاٹ قرار دیا جا چکا ہے۔ ان کی رہائش گاہ کے آس پاس ضلع کے سینیئر افسران رہتے ہیں۔ انہوں نے بتایا کہ ہاٹ اسپاٹ اعلان کرتے وقت کہا گیا ہے کہ ہاٹ اسپاٹ کی گائڈ لائن پر عمل کرنا ضروری ہے۔مسٹر رنجن نے بتایا کہ اب تک بریلی میں 133 کورونا پوزیٹیو ملے ہیں اور دو افراد کی موت بھی ہو چکی ہے۔

اس خبر کے بعد اتر پردیش کے پولیس محکمہ میں ہنگامہ بپا ہے اور پولیس میں اگر کورونا پوزیٹیو معاملہ مزید سامنے آئے تو خوف کی وجہ سے اس طبی بحران کے دوران پولیس کا کام بری متاثر ہو سکتا ہے۔