پونے: پونے کے پمپری چنچوڑ میں منگل (23 جنوری 24) کو علی الصبح ایک دوسرے کے بغل میں واقع 2 گوداموں میں زبردست آگ لگ گئی جس میں 2 بھائیوں کی جل کر موت ہو گئی اور کئی گاڑیاں خاکستر ہو گئیں۔ آگ لگنے کی وجہ ابھی معلوم نہیں ہو سکی ہے۔
Published: undefined
یہ آگ ٹوئن سٹی کے بھیڑ بھاڑ والے والہیکر واڑی علاقے میں علی الصبح تقریباً 2.30 بجے لگی جس سے علاقے میں دہشت پھیل گئی۔ لوگ خوف کی وجہ سے اپنے اپنے گھروں سے باہر آ گئے اور فوراً ہی فائر بریگیڈ کو اس کی اطلاع دی۔ جس کے بعد آگ بجھانے والی 5 گاڑیاں موقع پر پہنچیں اور بڑی مشقتوں سے آگ پر قابو پا یا گیا۔
Published: undefined
آگ گنیش پیکجنگ لمیٹڈ کے گودام میں پھیل گئی تھی جہاں بڑی مقدار میں لکڑی کا ساز و سامان رکھا ہوا تھا۔ بتایا جاتا ہے کہ سب سے پہلے آگ وہیں لگی تھی۔ آگ کی لپٹیں تیزی سے بغل کے ونائک المونیم پروفائل کمپنی کے گودام تک بھی پھیل گئیں، جہاں دونوں بھائی گہری نیند سو رہے تھے۔ جب تک وہ بیدار ہو کر وہاں سے نکل پاتے، آگ میں پوری طرح گھر چکے تھے۔
Published: undefined
ان دونوں گوداموں کے آس پاس کھڑی کچھ گاڑیاں بھی آگ کی لپیٹ میں آ کر پوری طرح جل کر خاک ہو گئیں۔ آگ پر قابو پانے کے بعد فائر بریگیڈ کا عملہ جب گودام کے اندر پہنچا تو اسے دونوں بھائیوں کی جلی ہوئی لاش ملی۔ بتایا جاتا ہے کہ ان کی موت زہریلے دھویں اور دم گھٹنے کی وجہ سے ہوئی تھی۔ ان کی شناخت کملیش چودھری (23 سال) اور للت چودھری (21) کے طور پر ہوئی ہے۔ آگ لگنے کی وجہ ابھی تک معلوم نہیں ہو سکی ہے، پولیس جانچ جاری ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined