چھتیس گڑھ کے سکما میں نکسلی تصادم، 17 جوان شہید

سکما: چھتیس گڑھ کے ضلع سکما کے چنتاگپھا علاقے میں پولیس اور نکسلیوں کے درمیان ہوئے تصادم میں سترہ جوان شہید ہو گئے اور پندرہ زخمی ہیں، جنہیں بذریعہ ہیلی کاپٹر رائے پور منتقل کر دیا گیا جن میں سے پانچ کی حالت نازک بتائی جا رہی ہے۔

بستر رینج کے انسپکٹر جنرل سندر راج پی نے آج بتایا کہ چنتا گپھا علاقے کے كسالپاڑ منپا میں گزشتہ روز ہوئے نکسلی تصادم کے بعد سے سترہ نوجوان لاپتہ بتائے گئے تھے۔ جن کی مسلسل تلاش کی جا رہی ہے۔ آج تمام لاپتہ سترہ نوجوان تلاشی کے دوران مردہ حالت میں پائے گئے ہیں۔

شہیدوں میں ضلع ریزرو پولیس فورس اور اسپیشل ٹاکس فورس کے جوان شامل ہونا بتائے جا رہے ہیں۔ وہیں اس تصادم میں پندرہ جوان زخمی ہو گئے ہیں، جنہیں گزشتہ روز ہی بذریعہ ہیلی کاپٹر رائے پور منتقل کر دیا گیا ہے، جن میں پانچ جوانوں کی حالت نازک بتائی گئی ہے ۔

پولیس اور نکسلیوں کے درمیان گزشتہ روز تقریبًا پانچ گھنٹے تک تصادم جاری رہا تھا جس میں پانچ سے چھ نکسلیوں کے مارے جانے کا بھی دعوی کیا گیا ہے۔ وہیں اس تصادم میں کئی دیگر نکسلی زخمی بھی ہوئے ہیں۔ جوانوں نے ہلاک شدہ نکسلیوں میں سے ایک کی لاش برآمد کر لی ہے۔