آئی پی اہل 2020: ہم کسی ٹیم کو ہلکے میں نہیں لے سکتے، امت مشرا

ابوظہبی: دہلی کیپٹلز کے تجربہ کار لیگ اسپنر امت مشرا نے پیر کو کہا کہ ان کی ٹیم ٹورنامنٹ کی کسی اور ٹیم کو ہلکے میں نہیں لے گی۔ دہلی اپنا اگلا میچ منگل کو سن رائزرس حیدرآباد کے ساتھ کھیلے گی۔امت مشرا آئی پی ایل میں سب سے زیادہ وکٹ لینے کے معاملے میں دوسرے نمبر پر ہیں۔ انہوں نے آخری میچ میں چنئی سپرکنگز کے خلاف چار اوورز میں 23 رنز دیئے تھے لیکن وہ وکٹ نہیں لے سکے۔

سن رائزرس حیدرآباد کے لگاتار دو میچ ہارنے پر انہوں نے کہا کہ پہلے دو میچ ہارنے سے ٹیم پر دباؤ پڑتا ہے۔ تاہم ٹورنامنٹ ابھی شروع ہو رہا ہے اور اس کے بارے میں زیادہ سوچنے کی ضرورت نہیں ہے۔ لیکن ہم ڈریسنگ روم میں اس پر بات نہیں کرتے ہیں۔ ہماری توجہ صرف کھیل پر ہے۔ ہماری تال اچھی ہے اور ٹیم کے حوصلے بھی بڑھے ہوئے ہیں۔ ہم اگلے میچ کے لئے تیار ہیں اور کسی بھی ٹیم کو ہلکے میں نہیں لے سکتے ہیں۔

کین ولیمسن کی حیدرآباد کی ٹیم میں شمولیت پر 37 سالہ امت مشرا نے کہا کہ پوری ٹیم کے لئے حکمت عملی تیار کی گئی ہے۔ جیسا کہ میں نے کہا کہ ہم کسی ٹیم کو ہلکے میں نہیں لے سکتے۔ ہماری حکمت عملی بالرز اور بلے بازوں کے لئے ہے اور یہی تیاری ولیمسن کے لئے بھی ہے۔

ابوظہبی میں دہلی کا یہ پہلا میچ ہوگا۔ یہاں کی پچ کے لئے لیگ اسپنر نے کہا کہ میرے خیال میں یہاں کی پچ بیٹسمین کے لئے مددگار ہے۔ جیسا کہ ہم نے دیکھا ہے، دبئی کے مقابلے تھوڑی سست ہے جس کا مطلب ہے کہ بیٹسمین کو شاٹ کھیلنے کا وقت ملے گا۔ بلے باز کو فائدہ ہوگا اور بالرز کو اپنی حکمت عملی کو درست رکھنا ہوگا اور ہم بھی یہی کریں گے۔