پوری دنیا میں کورونا سے ہونے والی اموات کی تعداد دو لاکھ کے قریب

عالمی وبا کرونا وائرس (کووڈ19) کی وبا پوری دنیا میں مسلسل بڑھتا ہی جارہا ہے اور اب تک دنیا کے زیادہ تر ممالک میں اس وبا سےدو لاکھ کے قریب لوگوں کی موت ہوچکی ہے اور 28لاکھ سے زیادہ لوگ متاثر ہوچکے ہیں۔

تازہ اعدادوشمار کے مطابق پوری دنیا میں کرونا وائرس سے مجموعی طور سے سوا 28 لاکھ لوگ متاثر ہوچکے ہیں جبکہ اس سے مرنے والوں کی تعداد بڑھ کر ایک لاکھ 98 ہزار سے زیادہ ہو چکی ہے۔ پوری دنیا میں اب تک سات لاکھ 37 ہزار سے زیادہ لوگ اس انفیکشن سے پوری طرح ٹھیک بھی ہوچکے ہیں۔

ہندوستان میں بھی کرونا وائرس کی وبا تیزی سے پھیل رہی ہے اور مرکزی وزارت صحت کی جانب سے جمعہ کی شام کو جاری کئے گئے تازہ اعدادوشمار کے مطابق ملک کے بتیس ریاستوں اورمرکز کے زیر انتظام ریاستوں میں اب تک 23452 لوگ اس سے متاثر ہوئے ہیں اور ابھی تک اس وائرس سے 723 لوگوں کی موت ہوچکی ہے۔ ملک میں اب تک 4814 لوگ اس کے انفیکشن سےٹھیک ہوچکے ہیں۔

اعدادوشمار کے مطابق امریکہ میں کرونا وائرس سے پوری دنیا میں سب سے زیادہ لوگ متاثر ہوئے ہیں اور وہاں سب سے زیادہ موتیں ہوئی ہیں۔دنیا کاسپرپاور ملک امریکہ میں یہ وبا تباہ کن صورت اختیار کرچکی ہے۔یہاں پر اب تک 868395 لوگ اس سے متاثر ہیں جبکہ متاثر ہونے کی وجہ سے مرنے والوں کااعدادوشمار پچاس ہزار کے قریب پہنچ چکا ہے۔ اب تک کرونا سے 49861 لوگوں کی موت ہوچکی ہے۔ امریکہ میں اس وبا سے اب تک 77 ہزار سے زیادہ لوگ ٹھیک بھی ہوچکے ہیں۔

یورپ میں سب سے زیادہ سنگین طور سے متاثر ملک اٹلی میں اس وبا کی وجہ سے اب تک 25549 لوگوں کی موت ہوچکی ہے اور اب تک 189973 لوگ اس سے متاثر ہوئے ہیں اور 54543 صحت مند ہوکر اپنے گھر لوٹ چکے ہیں۔

اسپین کووڈ کے انفیکشن سے سب سے زیادہ متاثر ہونے والے ممالک کی فہرست میں امریکہ کے بعد دوسرے نمبر پر ہے۔ یہاں اب تک 219764 لوگ اس کی زد میں آچکے ہیں اور 22524 لوگوں کی اس کی وجہ سے موت ہوچکی ہے اور 89250 مریض ٹھیک ہوچکے ہیں۔

اس عالمی وبا کا مرکز چین میں اب تک 82804 لوگ متاثر ہوئے ہیں اور 4632 لوگوں کی موت ہوئی ہے۔ اس وائرس کے سلسلے میں تیار کی گئی ایک رپورٹ کے مطابق چین میں ہوئی موت کے 80 فیصد معاملے 60 برس سے زیادہ عمر کے لوگوں کے تھے۔ اس درمیان کرونا وائرس سے متاثر اور موت کے معاملے میں یورپی ملک فرانس اور جرمنی میں بھی حالت کافی خراب ہیں۔ فرانس میں اب تک 159460 لوگ متاثر ہوئےہیں جن میں سے 21856 لوگوں کی موت ہوچکی ہے، جبکہ جرمنی میں کرونا وائرس سے 153129 لوگ متاثر ہوئے ہیں اور 5575 لوگوں کی موت ہوچکی ہے۔

اس کے علاوہ برطانیہ میں حالت مسلسل خراب ہوتا جارہا ہے جہاں 138078 لوگ اس سے متاثر ہوئےہیں اور اب تک 18738 لوگوں کی اس کی وجہ سے موت ہوچکی ہے اور صرف 712 مریضوں کو ہی علاج کے بعداسپتال سے چھٹی دی گئی ہے۔

کروناوائرس سے سنگین طور سے متاثر خلیجی ملک ایران میں 88194 لوگ اس سے متاثر ہوئے ہیں جبکہ 5574 لوگوں کی اس کی وجہ سے موت ہوئی ہے۔

دیگر ممالک کی طرح روس میں بھی کووڈ کی وبا میں مسلسل اضافہ ہورہا ہے۔ روس میں اب تک کرونا سے متاثروں کے 68622 معاملوں کی تصدیق ہوچکی ہے جبکہ 615 لوگوں کی اس وبا کی وجہ سے موت ہوچکی ہے۔

بلجیم میں 6490، نیدرلینڈ میں 4289، برازیل میں 3313، ترکی میں 2491، کناڈا میں 2028، سوئیڈن میں2021، سوئٹزرلینڈ میں 1509، میکسیکو میں 1069،پرتگال میں820، آئرلینڈ میں 769، انڈونیشیا میں 689، آسٹریلیا میں 522 اور ایکواڈور میں 560۔

اس کے علاوہ پڑوسی ملک پاکستان میں کرونا وائرس کے اب تک 11513 معاملوں کی تصدیق ہوچکی ہے اور اس کی وجہ سے 240 سے زیادہ لوگوں کی موت ہوچکی ہے۔