دوسرا ونڈے مقابلہ: اوورز کم کئے جانے کے بعد بارش پھر بنی رکاوٹ، 12.5 اوورز میں ہندوستان کا اسکور 89/1

ہیملٹن: ہندوستان اور نیوزی لینڈ کے درمیان کھیلے جا رہے تین میچوں کی ون ڈے سیریز کے دوسرے میچ میں اتوار کو بارش کی وجہ سے اووروں کی تعداد کم کر کے 29 کر دی گئی۔ تاہم کھیل 12 اوورز کے بعد بارش کا سلسلہ پھر شروع ہو گیا اور آخری اطلاع موصول ہونے تک بارش جاری تھی۔

قبل ازیں، ٹاس ہارنے کے بعد بیٹنگ کرتے ہوئے بارش سے پہلے ہندوستان نے 4.5 اووروں میں 22 رن بنائے تھے اور ہندوستان کے 24.1 اوور باقی تھے۔ اوور کم کر دئے جانے کے بعد جیسے ہی کھیل دوبارہ شروع ہوا ہندوستان کو شکھر دھون کے طور پر پہلا جھٹکا لگا۔ انہوں نے صرف 3 رن بنائے۔

اس کے بعد سوریہ کمار نے تیز بلے بازی کی اور اسکور 89 رن تک پہنچایا۔ تاہم اس کے بعد بارش پھر رکاوٹ بن گئی۔ جس وقت دوبارہ کھیل روکا گیا تب تک ہندوستان کا سکور 12.5 اوور میں 89/1 ہو گیا تھا۔ سوریہ کمار یادیو 34 اور شبھمن گل 45 رنز بنا کر ناٹ آؤٹ ہیں۔

نیوزی لینڈ نے پہلے ون ڈے میں ہندوستان کو سات وکٹوں سے شکست دی تھی۔ ہندوستان کو سیریز کو برقرار رکھنے کے لیے یہ میچ جیتنا ہوگا۔

ہندوستانی الیون: شیکھر دھون (کپتان)، شبھمن گل، شریئس ایر، رشبھ پنت (وکٹ)، سوریہ کمار یادو، دیپک ہڈا، واشنگٹن سندر، دیپک چاہر، عمران ملک، ارشدیپ سنگھ، یجویندرا چہل۔

نیوزی لینڈ الیون: فن ایلن، ڈیون کونوے، کین ولیمسن (کپتان)، ڈیرل مچل، ٹام لیتھم ( وکٹ کپیر)، گلین فلپس، مچل سینٹنر، مائیکل بریسویل، میٹ ہنری، ٹم ساؤتھی، لوکی فرگوسن۔