پولس ہیڈ کانسٹیبل نے مہاجر مزدوروں کو ’پردیسی پردیسی‘ نغمہ گا کر کیا رخصت، ویڈیو وائرل

احمد آباد پولس میں ہیڈ کانسٹیبل امرت بھائی نے مزدوروں کو اسپیشل ٹرین پکڑنے کے لیے روانہ کرتے وقت ‘پردیسی، پردیسی جانا نہیں’ نغمہ گایا اور اور کہا کہ حالات بہتر ہونے پر وہ واپس ضرور آئیں۔

user

قومی آوازبیورو

لاک ڈاؤن کی وجہ سے مختلف ریاستوں میں پھنسے مہاجر مزدوروں کے لیے اب کچھ آسانیاں میسر ہو گئی ہیں جب ریل اور بسوں کے ذریعہ انھیں گھر پہنچانے کا انتظام کیا جا رہا ہے۔ اس درمیان گجرات واقع احمد آباد کا ویڈیو سوشل میڈیا پر کافی وائرل ہو رہا ہے جس میں کالوپور ریلوے اسٹیشن کے پاس احمد آباد پولس میں ہیڈ کانسٹیبل امرت بھائی نے انتہائی دلچسپ انداز میں مہاجر مزدوروں کو وداع کیا۔


دراصل امرت بھائی نے بس سے مہاجر مزدوروں کو مزدور اسپیشل ٹرین پکڑنے کے لیے روانہ کرتے وقت انھیں کورونا سے حفاظت اور لاک ڈاؤن پر عمل کیے جانے سے متعلق کچھ اہم جانکاریاں دیں اور پھر 'پردیسی، پردیسی جانا نہیں' نغمہ گا کر انھیں وداع کیا۔ ساتھ ہی انھوں نے کہا کہ وہ ابھی جا ضرور رہے ہیں لیکن انھیں لوٹ کر واپس آنا ہے اور احمد آباد میں دوبارہ ان کا استقبال کیا جائے گا۔ ہیڈ کانسٹیبل امرت بھائی کا یہ انداز لوگوں کو کافی پسند آیا اور یہی وجہ ہے کہ ویڈیو سوشل میڈیا پر وائرل ہو گیا ہے۔ آپ بھی دیکھیں ہیڈ کانسٹیبل امرت بھائی کا وہ ویڈیو۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 16 May 2020, 10:40 PM