عالمی نمبر ایک ٹینس کھلاڑی نوواک جوکووچ کا آسٹریلیائی ویزا منسوخ، وطن واپس

آسٹریلیا کے وزیر اعظم اسکاٹ موریسن نے جمعرات کو ایک ٹوئٹ میں کہا کہ جوکووچ کا ویزا منسوخ کر دیا گیا ہے۔ ضوابط ضوابط ہیں، خاص طور پر جب بات ہماری حدود کی ہو تو ان ضوابط سے بالاتر کوئی نہیں ہے۔

تصویر بشکریہ بی بی سی
تصویر بشکریہ بی بی سی
user

یو این آئی

میلبورن: آسٹریلیائی حکومت نے عالمی نمبر ایک ٹینس کھلاڑی سربیا کے نوواک جوکووچ کو ٹینس ٹورنامنٹ آسٹریلین اوپن میں شرکت کے لیے آسٹریلیا میں داخل ہونے کے ضوابط پرعمل کرنے میں ناکام رہنے کے بعد ان کا ویزا منسوخ کرکے انہیں وطن واپس بھیج دیا ہے۔

آسٹریلیا کے وزیر اعظم اسکاٹ موریسن نے جمعرات کو ایک ٹوئٹ میں کہا کہ ’’جوکووچ کا ویزا منسوخ کر دیا گیا ہے۔ ضوابط ضوابط ہیں، خاص طور پر جب بات ہماری حدود کی ہو تو ان ضوابط سے بالاتر کوئی نہیں ہے۔ ہماری مضبوط سرحدی پالیسیاں آسٹریلیا کے لیے اہم رہی ہیں۔ ہمارے ملک میں کورونا وبا سے اموات کی شرح دنیا میں سب سے کم ہے، ہم نے چوکس رہنے کا سلسلہ جاری رکھا ہوا ہے۔‘‘


موریسن نے جوکووچ کوآئندہ آسٹرلین اوپن میں مقابلہ کرنے کے لئے کورونا ویکسین کی حیثیت واضح کرنے سے رعایت ملنے کے ایک دن بعد بدھ کو کہا تھا کہ جوکووچ کے لئے کوئی خاص اصول نہیں ہونا چاہیے۔ دریں اثنا، آسٹریلین بارڈر فورس (اے بی ایف) نے بی بی سی کو دیئے ایک بیان میں کہا کہ غیر شہری، جن کے پاس آسٹریلیا میں داخلے کے لیے درست ویزا نہیں ہے یا جن کا ویزا منسوخ کر دیا گیا ہے، انہیں حراست میں لیا جائے گا اور آسٹریلیا سے باہر نکال دیا جائے گا۔

قابل ذکر ہے کہ آسٹریلین اوپن کے دفاعی فاتح اور یورپی ملک سربیا کے شہری جوکووچ نے منگل کو ایک ٹوئٹ میں اعلان کیا تھا کہ وہ رعایت کی اجازت کے ساتھ سیزن کے پہلے گرینڈ سلیم میں شرکت کے لیے آسٹریلیا جائیں گے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔