جنوب مغربی پاکستان میں فوج پر حملہ ناکام، پانچ دہشت گرد ہلاک

بیان میں کہا گیا کہ سیکورٹی فورسز نے دہشت گردوں کے فرار ہونے کے بعد انہیں پکڑنے کے لیے آپریشن شروع کیا، جس کے دوران دہشت گردوں اور سیکورٹی فورسز کے ایک گروپ کے درمیان شدید فائرنگ کا تبادلہ ہوا۔

<div class="paragraphs"><p>پاکستان سیکورٹی فورس، علامتی تصویر آئی اے این ایس</p></div>

پاکستان سیکورٹی فورس، علامتی تصویر آئی اے این ایس

user

یو این آئی

اسلام آباد: پاکستان کے جنوب مغربی صوبہ بلوچستان میں سیکورٹی فورسز نے فوج کی ایک چیک پوسٹ پر حملے کو ناکام بناتے ہوئے پانچ دہشت گردوں کو ہلاک کر دیا۔ فوج کے میڈیا ونگ انٹر سروسز پبلک ریلیشنز (آئی ایس پی آر) نے گزشتہ روز دیر گئے ایک بیان میں کہا کہ یہ واقعہ جمعرات کی شب بلوچستان کے علاقے ہوشب میں پیش آیا۔

بیان میں کہا گیا کہ سیکورٹی فورسز نے دہشت گردوں کے فرار ہونے کے بعد انہیں پکڑنے کے لیے آپریشن شروع کیا، جس کے دوران دہشت گردوں اور سیکورٹی فورسز کے ایک گروپ کے درمیان شدید فائرنگ کا تبادلہ ہوا۔ مڈبھیڑ کے دوران پانچ دہشت گرد مارے گئے، اور اسلحہ اور گولہ بارود کا ذخیرہ برآمد کر لیا گیا۔


بیان میں کہا گیا ہے کہ آس پاس کے علاقوں میں باقی ماندہ دہشت گردوں کا سراغ لگانے کے لیے آپریشن جاری ہے۔ آئی ایس پی آر نے کہا ’’سیکورٹی فورسز بلوچستان کے امن، استحکام اور ترقی کو نقصان پہنچانے کی کوششوں کو ناکام بنانے کے لیے قوم کے ساتھ مل کر کام کرنے کے لیے پرعزم ہیں۔‘‘

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔