اہم خبریں: خوشخبری! گزشتہ 24 گھنٹے میں 11264 کورونا متاثرین کو اسپتال سے ملی چھٹی

ہندوستان میں لگاتار کورونا وائرس انفیکشن کے معاملے سامنے آ رہے ہیں، لیکن اچھی بات یہ ہے کہ اب ہندوستان میں مریضوں کے ٹھیک ہونے کی رفتار بھی بڑھ گئی ہے۔ تازہ ترین خبروں کے مطابق گزشتہ 24 گھنٹے میں 11264 کورونا متاثرین کو اسپتال سے چھٹی ملی ہے۔

31 مئی کو لاک ڈاؤن 4.0 ختم ہو رہا ہے، اور اس کے ساتھ ہی یہ امیدیں بھی مضبوط ہو رہی ہیں کہ لاک ڈاؤن 5.0 کا اعلان ہو جائے گا۔ ایسا اس لیے کیونکہ کورونا انفیکشن کے معاملے لگاتار بڑھتے ہی جا رہے ہیں۔ کچھ میڈیا ذرائع کا کہنا ہے کہ کورونا کے بڑھتے معاملوں کو دیکھتے ہوئے ایک بار پھر 2 ہفتوں کے لیے لاک ڈاؤن بڑھایا جا سکتا ہے، حالانکہ اس میں چھوٹ کچھ زیادہ دی جائے گی۔ یہ باتیں بھی سامنے آ رہی ہیں کہ اس مرتبہ لاک ڈاؤن میں ریاستی حکومتوں کو زیادہ اختیارات دیے جا سکتے ہیں۔ اس درمیان دہلی میں میٹرو خدمات شروع کیے جانے کو لے کر غور چل رہا ہے اور امید کی جا رہی ہے کہ یکم جون سے نئے شرائط کے ساتھ میٹرو خدمات شروع ہو جائے۔