اترپردیش کا پہلا ڈیجیٹل بجٹ آج ہوگا پیش

لکھنؤ: اترپردیش کی یوگی آدتیہ ناتھ نے اپنے موجودہ دور کا پانچواں اور آخری بجٹ آج اسمبلی میں ایوان کے میز پر پیش کرے گی۔ مرکزی حکومت کی طرز پر پہلی بار یوپی میں بھی بجٹ تجویز ڈیجیٹل نظام سے پڑھی جائیں گی۔ سرکاری ذرائع نے اتوار کو بتایا کہ بجٹ عوامی بہبود کے منصوبوں سے بھرپور ہوگا۔ اگلے سال ہونے والے اسمبلی انتخابات کے پیش نظر حکومت بجٹ میں کسان، نوجوان، خاتون اور مزدور سمیت سبھی طبقوں کے حقوق کا دھیان رکھے گی۔

وزیر خزانہ سریش کمار کھنہ آج 11 بجے اسمبلی میں 22-2021 کے بجٹ تجاویز کو آئی پیڈ کے ذریعہ پڑھیں گے جبکہ سبھی اراکین کو بجٹ کی تفصیل ان کے آئی پیڈ پر مہیا ہوگی۔ بجٹ کا سائز 5.60 لاکھ کروڑ تک ہونے تک اندازہ ہے۔ واضح رہے کہ رواں مالی سال کے بجٹ کا سائز 5.36 کروڑ کا ہے۔ وزیر اعلی یوگی آدتیہ ناتھ پہلے ہی اپنے وزرا کو ہدایت دے چکے ہیں کہ وہ بجٹ فنڈ کا مناسب استعمال اپنے محکمے میں کریں اور لوگوں کو اپنے محکمے کی کامیابیوں کی معلومات دیں۔

اس دوران اسمبلی اور قانون ساز کونسل کے اراکین کو صلاح دی گئی ہے کہ وہ بجٹ سے پہلے ایپل برانڈ کا آئی پیڈ یا ٹیبلیٹ خرید لیں جس کی زیادہ سے زیادہ قیمت 50 ہزار روپے ہونی چاہیے۔ حکومت اس رقم کی ادائگی بل کی پرچی دکھانے پر کر دے گی۔

وزیر اعظم نریندر مودی کی ڈیجیٹل انڈیا مہم کو رفتار دینے کے سمت میں وزیراعلی یوگی آدتیہ ناتھ نے مرکز کی طرز پر یوپی کا بجٹ پیپر لیس کیے جانے کا اعلان کیا تھا۔ ای گورنینس کی سمت میں اٹھائے گئے اس قدم کے تحت اسمبلی اور قانون ساز کونسل اراکین کا ٹریننگ کیمپ بھی 11 سے 13 فروری کے درمیان منعقد کیا گیا تھا، جس میں انہیں آئی پیڈ سمیت دیگر ڈیجیٹل آلات کے استعمال کی معلومات دی گئی۔ ٹریننگ کیمپ کا آپریشن مرکز کی تنظیم این آئی سی نے کیا تھا۔