یوپی: ’جن لوگوں نے بی جے پی کو ووٹ نہیں دیا، وہ کام کی امید نہ کریں‘، بی جے پی رکن اسمبلی پر چڑھا جیت کا نشہ

یوپی اسمبلی انتخاب کے نتیجے کا اعلان ہوئے ابھی دس دن ہی ہوئے ہیں، اور ریاست میں نئی حکومت کی تشکیل بھی نہیں ہے، لیکن بی جے پی اراکین اسمبلی نے اپنے بدلے ہوئے رویہ اور تکبر کا مظاہرہ کرنا شروع کر دیا ہے۔ حیدر گڑھ اسمبلی سیٹ سے جیتے بی جے پی رکن اسمبلی دنیش راوت لوگوں کو یہ کہتے ہوئے سنے گئے کہ جن لوگوں نے انھیں (بی جے پی کو) ووٹ نہیں دیا، انھیں ان سے کسی احسان کی امید نہیں کرنی چاہیے۔ انھوں نے کہا کہ ’’ان لوگوں کو کسی بھی طرح کی مدد یا مدد کے لیے میرے پاس نہیں آنا چاہیے۔ میں صرف انہی کی مدد کروں گا جنھوں نے مجھے ووٹ دیا ہے۔‘‘ اس تقریر کی ایک ویڈیو کلپ سوشل میڈیا پر وائرل ہو گئی ہے۔

راوت نے اپنے سماجوادی پارٹی حریف کو 25 ہزار سے زیادہ ووٹوں کے فرق سے ہرایا تھا۔ وہ پہلی بار رکن اسمبلی بنے ہیں۔ رابطہ کرنے پر بی جے پی کے ایک سینئر عہدیدار نے کہا کہ ’’ان نئے اراکین اسمبلی کو ان کی شاندار جیت کے بعد معمول پر آنے میں کچھ وقت لگے گا۔ حالانکہ ہم انھیں نرم ہونے اور لوگوں کے ساتھ احترام والا سلوک کرنے کے لیے کہہ رہے ہیں۔‘‘