امریکہ: ڈینور میں برفانی طوفان سے تباہی، دو ہزار سے زیادہ پروازیں منسوخ

نئی دہلی: امریکہ کے جنوبی میدانی علاقہ میں برفباری کے ساتھ آنے والے برفانی طوفان کے سبب گاڑیوں کی آمد و رفت کے ساتھ ایئر ٹریفک بھی متاثر ہوا ہے۔ امریکہ کے کولوراڈو کی راجدھانی ڈینور میں برفانی طوفان کے سبب 2000 سے زیادہ پروازوں کو منسوخ کیا گیا ہے۔

نیشنل ویدر سروس نے ڈینور میں زبردست برفانی طوفان کا الرٹ جاری کرتے ہوئے کہا کہ ہفتہ کی دوپہر تک ڈینور میں 18 سے 24 انچ برفباری ہونے کا امکان ہے۔ اس کے علاوہ فرنٹ رینج تلہٹی میں 30 انچ تک برفباری کا امکان ہے۔ برفانی طوفان کے پیش نظر کولوراڈو محکمہ ٹریفک نے بھی لوگوں سے بہت ضروری کام ہونے پر ہی گھر سے نکلانے کی صلاح دی ہے۔

ڈینور میں برفانی طوفان کے سبب ایک طرف جہاں سڑک کا ٹریفک متاثر ہوا ہے تو وہیں ڈینور انٹرنیشنل ایئرپورٹ ترجمان ایملی ولیمز نے بتایا کہ ہفتہ کی صبح ایئرپورٹ پر رش رہا لیکن دن میں تقریباً 750 پروازیں منسوخ ہو گئیں اور اتوار کے لیے بھی تقریباً 130 پروازیں منسوخ کی گئی ہیں۔ خیال رہے کہ فروری میں امریکہ کے ٹیکساس میں خطرناک برفانی طوفان سے عام زندگی مفلوج ہو کر رہ گئی تھی۔ طوفان اور سردی کی وجہ سے 21 افراد کی موت ہوئی تھی۔